USA thawngpang tha mi pawl; Pathian nih USA thluachuah chin ko seh

Maryland State On Hram An Thawk Lai.. Thaizing [ 05/15/2020] zanlei suimilam 5:00 pm thawk in kan umnak Maryland state cu on a si cang lai. Maryland Governor Lary Hogan nih ni 15 chung stay at home order a chuahmi cu a dih cang lai. Stay at home oder cu Safer at Home public health advisory timi nih a zulh lai. Mah phung hi White house coronavirus Task Force hna nih a serhmi guide line ningin a si. A dot khatnak, Stage one in onmi a si.

Maryland chung in a ummi dawr le mall vialte cu on khawh a si cang lai, asinain minung 50% lawng luh khawh a si lai. Dawr chung luh tik ah mask i hruk ding, pe 6 dan in social distancing zulh a si lai. Tennis tuk, golf tuk, ngasio le tlangkai onh a si cang lai. Asi khawh ahcun innka hram le platform kam ah thil laak le ipek chanh kha cozah nih thazang kan pek an ti.

Manufacturing pawl zong on a si lai. Sam mehnak, tin riamnak cu appointment lawng in kal khawh a si lai. Saram chiahnak, zuarnak dawr, motor tawlnak, pharmarcy, Bank le art galleries zong on a si lai nain minung 50% lawng luhter khawh a si lai.

Biakinn le inn ah pumhnak tuah khawh a si lai nain minung 50% lawng luh khawh a si lai. Asikhawh ahcun inn leng pumh hi tha pek a si. Restaurant, Gym le Theaters cu khar a si rih lai. Credit-Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA thawngpang tha mi pawl; Pathian nih USA thluachuah chin ko seh"

Leave a comment

Your email address will not be published.


*