USA um Chinmi caah a hertuk mi: Trump nih Coronavirus kong ah zulh ding a phuan cang

USA nih Coronavirus a buaipi ning hi cu zaangfah a si tuk cang. Mi tampi nih President Trump an soisel mi zong hi an mawh lo. Ram pakhat hotu a si caah soisel ding a si ko. Natein USA cu Democracy ram a si ruangah, pumpak duhthimnak a si tiah an ruah tuk caah President Trump zong nih tu a tuah bantuk in a rak tuah duh lo mi si

April in Official Press Briefing, Coronavirus Pangdamic a ngei tu lo hnuah a President Trump nih Briefing a vun ngei tthan cang. A chim mi pawl hna cu, Mipi nih kan dihlak in face mask kan hmang dih lai tiah a chim.

Mipi hna cu face mask hmang ding dih in a nawl hna. Public Health Crisis an tuar lio a si. Face mask nih mi tampi nunnak a kham lai ti a chim

Atu dirhmun ah cun Covornavirus cu a kar ding lengmang mi a si caah mipi nih mah rai in kan i vennak ding caah face mask hmang ding dih a si tiin a chim. Tu hi 4 million leng nih an ngei cang. Vaccine zong a rau hlan ah ngei khawh ding in fakpi in rian kan ttuan lio a si

Mah bantuk bia le hla hi ka chim duh lo mi a si, Social Distancing tuah khawh lonak hmun ah face mask kan hmang dih lai.

Central for Disease Control and Prevention Director Robert Redfield nih a chim ning ah cun, Americans vialte nih lengah kan chuak tika, face mask kan hmang dih a si ah cun thlakhat chungah mah zawtnak hi fakpi in a tlawm lai tiah a chim

President Trump an Monday ah Face masks a hmang mi cu twitter ah retweet a tuah tthan. cun “Think about patriotism,”ti a ttial.

President Trump nih a chim ning ah cun, ka administration nih fakpi in vaccine kan ngei khawhnak ding caah rian kan ttuan li a si, Americans mipi tampi an thi mi hi kan duh lo tiah a chim

Capitol Hill ah Lawmakers & White House officials pawl nih trillion-dollar-or-more phase four rescue package kalpi tthan ding in lam an kawl lio a si. Treasury Secretary Steven Mnuchin , acting chief of staff Mark Meadows nih tuesday ah, House Speaker Nancy Pelosi & Senate Democratic leader Chuck Schumer hna cu Aid package 4 kalpi tthan ding in bia ruati ngak ngei an nih tim. Credit- White House

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA um Chinmi caah a hertuk mi: Trump nih Coronavirus kong ah zulh ding a phuan cang"

Leave a comment

Your email address will not be published.


*