USA um Chinmi caah; Nan fa le Sianginn kongah tangka nan sin ah pek a si lai

USA ah um Chinmi tampi cu Democrat pawl nawlngeinak tangah um mi tampi kan um caah kan thei ding mi pawl le a hertuk mi thil a si. Nan umnak State ah state Cozah nih siang onh a duh lo ah cun na fa le private ah siang inn na kaiter khawhnak ding caah nu le pa sin ah tangka pek a si lai. Mah kong hi President Trump nih fiangtein a chim cang

President Trump nih a chim mi cu’ Siang inn a onh lo mi poah cu  cozah nih state sin ah tangka a bawmh tawng mi vialte cu a dawngter dih lai. Siang inn an onh lo caah tangka bawmh an si lai lo, tangka tu an nu le pa sin pek a si lai tiah fiangtein a chim

President Trump nih Press Conference nak ah a chim mi cu, sianginn onh tthan a si lo ah cun nu le pa tampi cu inn ah an um a hau lai tiah a chim. Mah bantuk in siang inn onh than ding mi a si ruangah, hngakchia pawl cuangah zeihman thil thalo a tlung lai lo tiah a chim chap

Siang inn onh tthan asi lo ah cun tangka cu nu le pa sin ah pek an si lai i, an fa le private siangah siang an kaiter khawhnak ding caah bawmh an si lai tiah a chim

Siang inn cu an mah duh ning a si lai. Khrifa buu siang inn ah mah an mah state chung siang inn ah mawh, an mah duh thimnak a si lai tiah a chim. Mah bantuk in nu le pa sinah tangka kan pek a si ah cun an mah nih duh ning bantuk in an fa le siang inn kainak ding caah an tawrel te lai tiah a chim

American hngakchia minung 50 Millions leng, siang inn kai lo in, an ruahnak, an taksa le lungthin hrawh cu a si khawh mi a si lo tiah a chim.Credit- Christianheadline

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA um Chinmi caah; Nan fa le Sianginn kongah tangka nan sin ah pek a si lai"

Leave a comment

Your email address will not be published.


*