USA um Chinmi caah thawngtha; President nih tangka bawmhnak kong a chim cang

USA um Chinmi hna, rian ttuan lo in laksawng nan hmuh hoi cang lai, ramhnihnak ah um mi nan unau hna hi rakphilh hrim hla mu. Mah bantuk President tha nan ngei mi hi Pathin sin ah lunglawmnak thlacam philh hrim hla u.

USA cozah nih nan caah rian attuan ning le nan caah a cawlhcang ning hi philh lo in tu kum November ni 3, Presidential Election ah President Trump Mee pek kha rak philh hrim hla. Mah bantuk USA caah a lakha hman lak duh lo in nan caah rian ttuantu hi na philh ah cun Pathian zong a lawm lai lo

June ni 22 ah, Scripps local TV News hmangin President Trump cu komnak an ngei. Bia an halmi lakah a pawimawh ngai mi le thei her ngai mi pakhat cu, “Coronavirus ruangah USA mipi, mah bantuk in harnak a tawn mi hna caah bawmhnak a um tthan lai maw’ tiah bia halnak tuah a si

President Trump nih a chim ning ah cun, “mah bantuk in Coronavirus ruangah USA mipi buainak le harnak a tawn mi sin ah bawmhnak a um tthan lai” tiah a chim.

A ni le caan cu a chim lo, mah bantuk in coronavirus ruangah USA mipi buainak a tawn mi cungah bawmhnak phawt hi thil tha tuk mi a si, House ah cohlan asi cang i, tu hi senate ah cei a si than lai. Senate nih a cohlan ah cun phawt cawlh a si lai’ tiah a chim. Source- NBC News. Credit-Thengephesizopost

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA um Chinmi caah thawngtha; President nih tangka bawmhnak kong a chim cang"

Leave a comment

Your email address will not be published.


*