USA um Chinmi, mah company ah rian a ttuan mi hna, inn chungah nangmah tein um i zuam ulaw a tha lai

Mah bantuk dirhmun a si cang caah ralrin tein um lo ah cun i vennak lawm a um ti lo. Battle Creek, USA ah a ummi Caw Thahnak Company/JBS ah riantuanmi minung 60, Covid19 positive an si tiah Fox nih an thanh. Cuka ahcun Laimi tampi tuannak, Company a si caah, an thin a phang ngai cio.

Canada  Ram, Alberta ramkulh ah a ummi, caw thahnak Company/ Cargill plant zong ah Covid 19 case in Minung pakhat a thi i, cuka ah riantuantu 100 leng positives an si caah an khar chung. Cun, Caw thahnak thiam, Brooks, Alta. a ummi, JBS plant zong ah Minung 67 positives cases an hmuh rih. Cucaah, Canadians tampi cu super markets ah cawsa cawk an ttih ngai cio tiah CBC nih an thanh.

Tulio te hi hmun dang, Ka dang zongah Caw Thahnak Companies pawl hi fak ngai in Corona Virus  nih a tlak cuahmah lio a si caah, Beef / Cawsa paam hna a tlungter sual hnga maw tiah khuaruah a tamter ngai.Credit- Zasang Cinzah

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA um Chinmi, mah company ah rian a ttuan mi hna, inn chungah nangmah tein um i zuam ulaw a tha lai"

Leave a comment

Your email address will not be published.


*