USA um Chinmi tamnak ah thawngpang a chia tak tak. ralrin thluamah ko hna u sih

Coronavirus ruangah a zawtmi le a thi mi cu an tam thluamah cang caah rian ttuantu pawl zong an buai tak tak. Economy re-open tuah hnuah a zual chin.

Economy a tla tuk cang caah Trump admin zong nih lam fakpi an kawl i, re-open tuah lo ah cun USA cozah nih a tuar tuk ding mi a si caah re-open cu an vun tuah,

rian ngeilo tampi rian an vun ngei tthan, natein coronavirus ruangah a thimi, a zawmi an tam thluamah ve. Chinmi tamnak Florida zong thawngpang a chia tak tak cang i,

Miami siizungah damlo chianak ding caah ihkhung a um ti lo, ICU cu damlo serious an khat dih cang caah umnak a um ti lo. Damlo hna siizungah chia duh zong ah hmunhma a um ti lo caah khuaci a mui tak tak ko

Mah bantuk in siizungh ah damlo chianak hmun hma a um ti lo caah Florida mipi hna cu an lungrethei ngai i, rian ttuan lo ah cun ei ding ngei lo si,

rian ttuan zongah ralrin tein um zong ah case thar a tam thluamah fawn caah cozah rian ttuantu zong an lungreithei ngai. Credit- ABC News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah leĀ  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA um Chinmi tamnak ah thawngpang a chia tak tak. ralrin thluamah ko hna u sih"

Leave a comment

Your email address will not be published.


*