White House ah President Trump rian a ttuan ning phuan piak a si – White House Chief of State Mark Meadow

President Trump  soiseltu le thangchiat ton mi caah cun thawngchia bak si ko. Mah bantuk in President Trump nih USA ram caah rian a ttuan ruangah amah bantuk in USA a dawtu hi an um zawng ah an tam lai lo tiah an rak chim tawn mi kha a hman mi a si ti cu mah ka hin fiangtein a lang

Coronavirus ruangah vawlei cung ramkip muinak khur ah um dih. Vawlei cungah a thawnbik ram an ti mi US President zong mah rai ruangah a luh a hai ngai tuk ve  cang. Kum 3 chung USA ram Economy record break a rak tuah mi vialte cu Coronavirus rai nih thlahnih chungah a hrawh dih cang caah USA, Trum Admin  zong a buai tak tak cang. Mah bantuk in USA nih caan chia a tawn caah President Trump zong a hlan ah rian a rak ttuanmi nak in fak deuh in a ttuan i, zaan ah ihzawng it kholo in rian a ttuan ruangah si lai, a rian ttuanti hawi pakhat nih cun The New York Post sin ah a chim ning ah cun President Trump cu USA ram caah rian a ttuantuk caah rawl einak caan hmanh a ngei lo tiin a chim. Rian a ttuantuk ruangah rawl ei nak caan hman ngei lo in a um pa tawn tiin a chim.

President Trump nih USA hmun dang dang ah Coronavirus ruangah zeibantuk dirhmun an si ti thei a duh caah phone a hmang ngai i, Coronavirus kong ah state dang zei an law tiah a halnak ah ni khat ah Dorzen 5 leng phone call a hmang tawn tiin a chim. White House Chief of Staff Mark Meadow nih Donald Trump rian a ttuan ning cu mah ti hin a chim. ” Chief of Staff ka si ning bantuk in ka tuah ding mi hmasak bik cu President nih rawl einak caan a ngei mi hi a si, tiin a chim. President Trump nih zinglei suimilam 3:19 am ah a ka chawn i, kei cu nuam ngai in ka nghilh lio a si, mah bantuk caan ah cun a ka chawn lai ti ka zum lo, President Trump cu it lo in ti khan rian a pe zul ko lai. A pawngah ka um lio ah hin nikhat ah minute 10 leng rawl einak caah caan a hmang mi hi ka thei bal lo tiin a chim

White House Staff  pakhat nih Donald Trump he rian a ttuan ti ning mah ti hin a chim, A cang ah cun ka ruahnak ah hin rawl ei caan zong hi a lang tawn lo, Caan tamdeuh hi cu rawl einak caan zong ka ngei lo,  rawl einak caan ka ngei zong ah minute 10 chung lawng rawl einak  caah ka hmang tawn. tiin a chim

A luancia ah khan anti Trump. The New York Times nih bia dik lo hmangin President Donald Trump rian a ttuan ning report a langter. Mah bantuk in lih le hrokhrawl in The New York Times nih a langter caah The White House nih cun President Trump rian ttuan ning cu tling khitkhet in USA mipi vialte hmuh khawh le rel khawh ding in a lang ter. Mah White House report ah alang ning ah cun President Trump cu zinglei suimilam 6:30 am thawk in a rian ttuanti Cabinet pawl hna cu a chawn cang hna i, cun rian ruan ah leng ah a chuak i, White house ah a lawi tthan hi cu zanlei suimilam 9 hnuah a si tawn. Cun a umnak inn a phan hnu zong ah  Phone call hmangin Governor le mi pawimawh dang a chawn kual hna i, Zanlei suimilam 11:30 pm tian a phan tawn. Cun meeting dang dang a tuah i, Suimilam 12 leng tian rian a ttuan cang a um tiin Chief of Staff nih a chim.

Peter Navarro, director of the White House Office of Trade nih cun zing kah in President Trump nih a ka chawn tawn i, Cun zanlei ah a ka chawn tthan tawn. Ni khat ah suimilam 12 rian ttuan bantuk in ka ruah. Zarfatin ni 7 chung rian ka ttuan. Rian fakpi in ka ttuan ti ka thei, Mah bantuk in rian ka ttuan lio zongah President Trump nih cun a kan kilveng peng ko. President Trump nih ba ti a thei ve lo in ka theih tiin a chim. Source- Newyorkpost, Mailonline

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor