White House nih USA mipi sin ah ralrin peknak a tuah cang; USA ah um chinmi ralrin tein um hna u si

USA mah bantuk in a thimi an tam mi le damlo mi an tam ning hi thilmak zong si ti lo, White House zong nih a celh ti lo in ralrin peknak a tuah bak ko cang. USA thawngpang a chia chin lengmang cang, atu tiang a thimi 9,618 le damlo mi 336,830 an si cang i, an tam thluamah lai tiah zum a si, White House nih mipi sin ah ralrin peknak a tuah cang. Mah bantuk in a si lo ah cun USA mipi a thimi an tam tuk lai caah ralrin tein um a her cang.

The White House coronavirus task force nih eiding cawk le sii cawk in lengah chuak ti lo in mipi sin ah ralrin peknak a tuah. Aruang cu a rah ding zarhnih hi a thimi an tam tuk lai caah tiin. “The White House cornavirus task force is now warning against even going out to buy groceries or medication as the pandemic is expected to hit a deadly apex in the coming two weeks”.

White House Coronavirus coordinator Deborah Birx nih a rah lai ding mi zarhnih hi cu a biapi tuk cang, ralrin tein kan um a her tiin Press conference ah a chim

“Atu hi lengah chuak i thil cawk caang a si ti lo. Cun sii dawr ah kal i sii cawk caan zong a si lo. Nangmah na him khawhnak ding caah le na chungkhar dihlak an him khawhnak ding caah le na hawi le an him khawhnak caah fakpi in i zuamh caan a si” tiin mipi cu ralrin tein um ding in a ti hna

Atu tiang a thimi 9,618 le damlo mi 336,830 an si cang.  President Trump zong nih fiangtein mipi sin ah ralrin peknak a tuah cang. Caan chia bik kan tonh thluamah lai, ralrin tein um i zuam hna u si tiin. Source: New York Post

Be the first to comment on "White House nih USA mipi sin ah ralrin peknak a tuah cang; USA ah um chinmi ralrin tein um hna u si"

Leave a comment

Your email address will not be published.


*