WHO a mualpho, China nih a khamh khawh ti lo. President Trump nawlngai lo man a hmuh cang

A poi tak tak, USA zei a rel lo mi cu mah bantuk hi a si ko. vawleicung ngandamnak lei ah rian ttuantu (WHO) nih mah bantuk dirhmun a phan mi cu. China cu fakpi i a dirpi i, USA nih WHO thil tuah ning cu a zoh sawh sawh khoh ti lo caah dan a tat hnuah tu cu WHO nih kut a dawh cang. Vawlei cung hi a buai chin lengmang cang, mah bantuk hi WHO nih a voihkhat tawnnak a si cang caah vawlei cung ramkip an lau ngai

The World Health Organization Director General Tedrsos Adhanom Ghebreyesus nih cun foundation thar WHO nih a dir tiin a phuan. Mah bantuk in pawl pakha tan dirnak ruangh cu tangka kawlnak caah a si. Mah foundation ah hin mipi zawng an duh an cun an nih tel khawh cang lai tinak a si. The WHO Foundation hi independent a dir a si, WHO nih mah bantuk in foundation a dir mi hi tu lio vawlei cung ramkip nih a tawn lio mi zawtnak zohkhennak ding caah a si “non traditional sources” cu a tel lo

Coronavirus kongah WHO thil tuah ning cu President Trump a lungtling lo tuk caah “China Centric” a ti hnuah funding hi a phih piak hna. President Trump nih ni 30 chung in WHO cu athleng lo ah cun WHO sin ah funding a pek tawn mi hi dawnter dih a tim tiin a rak chim cang

Tedros nih Foundation thar an dir mi hi tu lio fund ngei mi a tlawm tuk ruangah si lo in, tu thla annual budget $2.3 billion cu a tlawm tuk i, mah global agency caah medium-sized hospital zohkhennak cah lawng a si tiin a chim. Source- Reuters

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor