Zaangfah a si tuk hrinhrang ah, A nu a thi cang mi cu thawh a tim. Vawlei a hninh bak ko

Video a tangah zoh ding a um lai. Vawlei a hninh bak mi thawngpang, a zoh mi poah mithli a tla lo mi an um lo, mah bantuk in a nu a thi cang mi thawh a tim lio mi a hmuh mi poah nih an celh bak lo. Cu hngakchia te zaangfah a si khoh ning cu, Anu nih a thei lo hlan ah mual a liam tak ti a thei lo i, anu cu thawh a tim. Natein a nu nih mual a liam ta. Mah hngakchia pa thil tuah mi nih mi tampi mitthli he a chia. Mah bantuk in coronavirus ruangah mi tampi rian ngei lo in an um lio ah, migrant tampi cu rawl ei ding an ngei lo ruangah an thi cang.

Mah thil a cangmi hi Muzaffarpur railway platform ah a tlung mi a si. Bihar, muzaffar railway ah thil a cang mi a hmuh mi poah ttap lo mi an um lo. Mah hngakchia te nih a nu a thi cang mi thawh a tim mi video hi Sanjay Yadav, JD leader Tejashwi Yadav hnulh zultu nih Twitter ah a post i, mah hngakchia te nih puang cu a lak i a nu thi cang mi cu a va khuh

Alok Pandey zong nih Twitter hmang in mah nghakchia kong hi a chim ve i, Muzaffarpur railway station ah mah bantuk in nu nih a fa hngakchiate a thi tak mi cu rawl ei ding a ngei lonak caan a sau cang lai caah, a rawl tam tuk ruangah a thimi a si lai tiah a zum ning a chim.

Ramakant Upadhyay, Deputy SP Gov’t Railway police Muzaffarpur a chim ning a cun May ni 25 ah mah thil hi a cang mi a si. Mah nufa hna hi Muzaffarpur in Ahmedabad lei ah kal ding mi an si i, Shramik Special Train aa cit ding mi an si tiin a chim. Tu lio pandamic ruangah mi tampi nih mi sifak pawl cungah dawtnak an langter thluamah lio ah mah nufa nih cun mah bantuk dawtnak cu an hmuh ve lo. Source-Timesofindia. Video a zoh duh mi nih mah ka hin zoh khawh a si lai (Video)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Zaangfah a si tuk hrinhrang ah, A nu a thi cang mi cu thawh a tim. Vawlei a hninh bak ko"

Leave a comment

Your email address will not be published.


*