Zahan UN ah bia a chim hnuah, U Kyaw Mo Thun cu US Cozahpi sinah Asylum a hal cawlh ti’ah theih asi

February 26,2021 ah Myanmar ram kongah Vawleicungpi an khuaruah a har ko. New York khua i UN Special Assembly an tuahnak ah Kawlram Ralkap Cozah Palai U Kyaw Mo Thun nih Ralkap Cozah cu dohin,

Kawlram CDM le Democracy Cozah a tanhnak a au chuahpi i, Myanmar Mipi dihlakin Democracy Mipi Cozah a chuak khawhnak lai thazang chuah dingin a forhfial hna.

Amah hi Yangon, Insein chuak asi i, Geneva Myanmar Envoy in UN Hqr New York ah an thialmi asi. Bia a chim dihin New York i Myanmar pawl Duhlo Lamzawhnak ah a tel beh i, US Cozahpi sinah Asylum a hal cawlh ti’ah theih asi.

Ni 25/2/2021 Zinglei Suimilam 2:00 hrawngah khan, Myanmar Spacial Forces (Palik SB2 le Ralkap MI) nih Nyphidaw NLD Chairman le tulio CRPH Chairman U Min Thu cu an tlaih ti’ah CRPH Information Secretary U Kyi Toe nih a FB ah a tial.

An tlaih nak hi khuaruah har ngai asi. Min chim duhlo Palik Officer nih a chim ningah, Pyinmana Yeesin lei Sianghleirun Caachim Inn Pakhat ah an tlaih i, Car Barrack (Mawtawka Chiahnak Inn te chungin Mi- 3 riak cu an zam manh i, cu hna lakah Ko. Min Ko Hniang zong a tel chih an zumh a ti.

A chim ning ah cun, hi Inn ah hin Min Ko Hniang le a hawi kom pawl an um ti’ah a thlithup in report an theih i, tlaih an timh tikah U. Min Thu tu an tlaih ti’ah a chim. Cun Inn neitu Ex- Professor zong an tlaih chih i, Nyphidaw Thonginn ah an chiah hna ti’ah a chim. Credit-MC Biaklian

Be the first to comment on "Zahan UN ah bia a chim hnuah, U Kyaw Mo Thun cu US Cozahpi sinah Asylum a hal cawlh ti’ah theih asi"

Leave a comment

Your email address will not be published.


*