Zan 4 chung Democrat nih an chim duh lo mi, Trump nupi/Melania nih a chim cang; US mipi nih an uar tak tak cang

Democrat pawl nih zan 4 chung convention an ngei nak ah an chim duh lo bik mi le mi tampi nih chim seh tiah an duh mi, An chim duh lo mi cu President Trump nupi nih US mipi dihlak thei ding in a vun chim cang. Mi tampi nih a bia chim mi cu an uar tuk caah, US first lady cu mah bantuk din hi a si an ti cang

Mah Chinpage ah hin US thawngpang ni fatin 4/5 ka ttial peng caah, US thawngpang ni fatin rel na duh ah cun mah Chinpage hi like/ follow vun tuah law, ni fatin US thawngpang na rel khawh peng lai tinak a si

Republican khawmpi/convention zan hnih nak cu tlamtling tein dih a si cang. Republican convention hi zan 4 ngei a si lai. Ni nga zan/Friday night ah dawngter a si lai. Mah convention zan 2 nak ah hin US first Lady/ Trump nupi, Melania Trump nih tu lio buainak a sertu hna cu, nan thil tuah mi hi dawnter cang u, ra u, US caah rian kan ttuan ti lai tiin a sawm hna

First lady nih a chim mi cu, mah bantuk rai zawtnak/coronavirus ruangah a thi mi vialte chungkhar a tuarpi ning a chim i, Apasal Donald Trump nih  US ram hi a dawttuk i, thil a rawk mi vialte rem ding in tim tuahnak a ngei tiah a chim

First Lady nih hin White House Rose Garden in US mipi sin ah bia chimnak a ngei. Mah bia chimnak a ngei lio ah hin US Vice President le a nupi Lady Karen Pence nih an diripi. Nangmah nih bantuk in keimah cungah zawng thleidannak tampi a rak um tawn. Keimah zong nih thleidannak ka rak tawn ngai ve mi a si. Mah bantuk hi thil har ngai mi asi, tiin a chim

US mipi hna, mah bantuk in a luancia mi ah thil tampi kan rak tawn ning kong kan ruat lio ah hmai lei kan kal ding mi kongah lung put ngeih khawh i zuam cang hna u sih. Zumnak dang, phungdang dang kan si ko na in Atu cu buu khat/one community  le u le nau bantuk kan si cang, tiin a chim chap

US mipi hna hmun khat in rian tuan i tim cang hna u sih, Hmailei America ram dirhmun ser than ding in timtuahnak ngei cang hna u sih, Mipi hna, mah bantuk in buainak nan ser mi hi ngawl cang u law, mah bantuk in thleidannak a tam tuk ti i lak i,

US ram chungah thil tampi nan hrawh mi le thil tha lo nan tuah mi vialte hi fiangtein thei u law, nan thil tuah mi hi dawngter u law, US caah tu rian ttuan i tim cang hna u si,’ tiin White House Garden in US mipi sin ah bia chimnak a ngei. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Zan 4 chung Democrat nih an chim duh lo mi, Trump nupi/Melania nih a chim cang; US mipi nih an uar tak tak cang"

Leave a comment

Your email address will not be published.


*