Zarte ni,  Trump rally ah kal a timh mi 1million (1,000,000) leng an si cang; Media le Democrat pawl nih buainak an thawk hoi cang

President Trump hi cu a ropui bak ko, a ropui bak ko ti lo ah cun chim ding a um lo. Mainstream media pawl nih Trump cu mipi nih an duh ti lo tiah fakpi in an ttial i, Trump soiselnak le thangchiatnak cu dawng lo cat loin media hmangin fakpi in an phuan lio ah America mipi nih an duh ning le an uar ning an langter thluamah  ve cang

President Trump hi Media tampi nih a thil tuah thami pawl an ttial duh lo caah amah nih Twitter le public Rally hmangin mipi sin ah thil si ning a chim/phuan tawn.

COVID 19ruangah caan saupi inn ah i erh lio ah, Coronavirus zawtnak cu thawngpang tha lei a vun kar thluamah ve cang caah USA mipi zong ralrin tein le Social distancing zulh buin arian ttuan hram an thawk ve cang.  Naiah minak pa George Floyd a thi ruangah minak cheu le Democrat pawl nih lengah an duh poah in chuak i, thil tuah i, USA ramchungah buainak fakpi an tuah hnuah le thil tampi an hrawh lio ah Media pawl lakah Covid tih nun ning atial mi pakhat hman an um lo. Mah bantuk in mipi leng ah a chuak mi cu thil tha tuah mi le ram caah pasal bantuk in a ttial hna. Mah bantuk in thil a si caah President Trump pawl nih President Election campaign nak ding caah rally tuah an nih tim ti an chim ve cang

  Donald Trump nih Rally tuah a tim ti a chim bak in thil zeipoah a thlen tthan hoi i. Black Live Matter lio ah Covid-19 kong a tial bal lo mi le a chim bal lo mi media pawl nih President Trump nih Rally ka tuah lai tiah a vun chim bak cu Covid-19 tih nun ning kong le Trump Rally ah kal a tim mi pawl cu mihrut, Covid-19 nan tih lo maw tiah fakpi in an vun soisel tthan cang

Natein President Trump nih an bia le hla cu a ngai piak duh hna lo. Rioters le misual pawl nih Democrat party pawl (State chungah Democrat party pawl nih governor an ttuannak) nawlngeinak fakpi in an hrawh lio ah Media nih zeihman chim lo in daitein an um i, mah bantuk thil a cang mi hna cu thup an nih tim. Mah kongah hin President Trump nih ceilak in aphomh cang hna i, an thil tuah i tim mi hi a hlawhtling bal lai lo tiin Twitter hmangin ceilak in aphomh hna. Zarte ni (Saturday) ah rally thawk a si cang lai, Rally ah kal a tim mi minung 1000000 (1 Million) leng nih register an tuah cang. Rally tuahnak khua Tulsa Okla khuah  a um mi dihlak cu 400000 an si. Mah khuah ummi nak in tam deuh nih Trump rally ah kal an nih timh

Trump Rally ngeinak hmun Stadium ah minung 20,000 lawng an nih tlum, Mah 20000 ah cun 1millions leng nih President Trump Rally ah cun kal an nih tim, a chungah alut khawh mi caah cun a sunglawi bak ko lai.

Mi tampi nih George Floyd thinak ruangah President Trump cu a minchiat ngai i, a larnak zong a zorh ngai cang tiah an ti lio ah, a si lo ning langtertu ding ah June 14, sunday kha President Trump Birthday  a si i. President Trump hi USA President lakah upa bik a si i, Kum 74 a si cang. President Trump chuahni ah khan Trump Campaign Online hmangin Fundraising tuah a si. (mah kong hi Chinpage ah fiangtein kan rak ttial cang kha) Tangka a lut mi dihlak cu USD 14 million leng a si.

Trump ral a si mi Democrat pawl cu tangka lei ah fakpi in buainak an tawn lio a si i. Tu hi USD 100 Million an ngei cang i, Donald Trump nih cuun USD 250 million a ngei cang. Mah bantuk in thil sining a si caah November 3 President Election cu a ropui bak ko lai. Setan pawl nih maw teinak an hmuh lai Pathian a bohchan ngai mi President Trump nih ti hi vawlei mithiam pawl nih an thei duh ngai mi pakhat cu a si cang.  Source- Forbes, Twitter

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Zarte ni,  Trump rally ah kal a timh mi 1million (1,000,000) leng an si cang; Media le Democrat pawl nih buainak an thawk hoi cang"

Leave a comment

Your email address will not be published.


*