Zasang Cinzah nih Hmawngtlang lam kong ah a ttial mi hi lungput dik mi le thancho duh mi lungput a si; Kha vun zoh tuah u

Vawlei cung ram thangcho ahcun Highway  cu:  A ding lai. A phei lai. A nai lai. Traffic a um lai lo. Khua chung hi hrial khawh chung in an hrial. Pal lo awk a tthalomi khua a um ahcun, khua chung Highway bak in a kal ve lai. Mahhi priority a si.

Khual kan tlawn tikah, “Speed limit” tein kal le “over” deuh in tlik ahhin a hmun va phak khi, minutes 15 in 20 te lawng aa dang ko nain,.. Cutin, minutes 20 or tam deuh men te aa dangmi ahcun minung tampi cu “speed over limit tickets” he kan tlung ttheu. Cu nih a langhtermi cu, khual kan tlawn tikah zeitluk rang indah inn phak kan duh cio timi a fianter ngai. Cucaah, Highway  cu a thabik, a rangbik le a tawinak bik in an kalter cu a herh.

Zophei ram chung in a kalmi Highway ahcun a ttha bik- aa remhbik cu leikuang in a kalmi lam khi a si ko. A phei zong a phei. A ding fawn lai. Chuk-cho a tlawm. Highway  belte khin, Hmongtlang lei tu hi aa rem bik le a naihnak biknak hmun in pialter ding a si. Khua chung lei luh a duhmi caah—-

Canada  le US ram hmanh ahhin Highway  lam cu Cozah kut  ah an chiah- Khua/ municipal an ithlak kho lo. Cucaah, Highway  cu Cozah nih a thabik in an sermi ahkhan lungtling cio a herh ko.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Zasang Cinzah nih Hmawngtlang lam kong ah a ttial mi hi lungput dik mi le thancho duh mi lungput a si; Kha vun zoh tuah u"

Leave a comment

Your email address will not be published.


*