Zumtlak a si mi Pu. Ngai Sak nih fiangtein a chim cang ko hi; A fiang tuk cang

Chairman rian tlaih an duh cio ruang ah CNLD nih Chairmen pathum rian an pek hna timi soiselnak kong he pehtlai in atulio CNLD Chairman Pu David Ngai Sak nih cucu adiklomi a si, tiah a langhter.

CPP, CLD le CNDP an rak i fonh kaa in Pu No Than Kap cu fonhmi CNLD Party i Chairman rian khinh a si. Pu No Than Kap a Term a dih hnu June 12, 2020 ah Pu David Ngai Sak cu CNLD party i Chairman thar thim a si.

“Chairman rian hi i chawng in ttuan a si i, minung pakhat nih Chairman rian a tlaih lio ah a dang pahnih nih bawmtu Chairman dirhmun le ruahnak petu dirhmun in rian an ttuan,” tiah Pu David Ngai Sak nih fianternak a tuah.

CNLD ah Chairman pakhat lawnglawng a um i Chairman rian tlaih an duh cio ruang ah Chairman pathum an um timi hi ahmaanlomi a si, tiah a chim chap.

Atu kumdongh ah tuah dingmi Myanmar rampi thimnak Chinram ah aa cuh dingmi palai pawl kong he pehtlai in NLD nih cun phungning in cazin a chuah cang nain CNLD le USDP belte nih atu tiang phungning in cazin an chuah kho rih lo. Credit-Chin Journal

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Zumtlak a si mi Pu. Ngai Sak nih fiangtein a chim cang ko hi; A fiang tuk cang"

Leave a comment

Your email address will not be published.


*