Zumtu mi ralchia an um bal lo; President Trump nih China he pehtlainak vialte dawngter dih a tim

China caah cun mah bia vun thei cu thawngchia bak si ko lai, USA he pehtlainak vialte President Trump nih a phih dih ah cun China economy nih a tuar tak tak cang lai. President Trump nih China lih le thil thup mi cu a zoh sawh sawh duh ti lo i, China nih USA sin in kum fatin tangka tampi a hmuh, natein USA nih cun a cawichi tawn, Mah vialte ruangah USA le China karlakah President Trump nih Trade war kha a kal pi nak a si

President Trump nih Coronavirus ruangah China cungah a lungtlin kho ti hrim lo caah US le China pehtlainak vialte cu dawngter dih ding in tim tuahnak ka ngei tiah a chim

China ram ah Wuhan khualipi in a chuak mi Coronavirus nih vawlei cung ramkip a buai ter dih cang i. USA cu mah coronavirus ruangah a tuar bik ram a si. Trump nih cun mah coronaviru kongah China nih thil hman zeihman a chim duh lo i, thil tampi thup a ngei peng caah le WHO zong thil sining fiangtein chim duh lo in China a dirkam peng caah WHO fund zong a phih piak mi kha si.

US nih China sin ah Wuhan laboratory ah ramdang mithiam pawl nih mah coronavirus kong hlethlainak tuah ding in China cu fakpi in a nawl peng, natein China nih a duh lo. Mah ruangah President Trump cu a thinghun tak tak cang

Fox News Business News nih President Trump komhnak a ngeinak ah President nih China cungah thil tuah khawh mi tampi ka ngei. China he pehtlainak vialte a dawngter dih khawh ning le Presiden Xi Jinping he hawikawm an rak si ning kong a chim i, natein atu dirhmun ah cun President Xi Jiping cu ka chawn duh ti hrim lo ti a chim

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor