Zumtu ram a si mi, Italy mipi nih Pathian thawngin thawngpang tha an thei ve cang

Mah bantuk thawngpang tha an thei mi cu an hna a ngamtuk i an nih lawmtuk caah mitthli he Pathian sin ah lunglawmnak bia an chim. Thawngpang chia lawngte vun theih ah cun  lung zong a mit tuk caah thawngpang tha a um mi poah hi ttial thluamah hna u sih law, hna a ngam i deuh. Lockdown ruangah thlahnih hrawng inn ah i erh peng i an um mi cu an caah a har tuk cang lai, mah bantuk thawngpang an vun thei ve mi cu an caah zeitluk in dah a sunglawi hnga?

May 5 thawk in Khrifa ram a si mi, Italy cu caan saupi lockdown an tuah mi cu phih a si cang lai i, company le dawr cheu cu onh tthan a si cang lai. Mah bantuk in cozah lei nih tiamtuahnak a ngei caah hna angam ngai cang.

Cun transportation le thil hermi tete zong onh tthan a si cang lai, natein mipi cu ralrin tein um ding. Lengchuak poah ah mask hmang hrim hrim ding. Cun mipi zong ralrin tein le nawlngai tein um i zuam ding. Mah lawng si lo in company vialte le rian ttuannak vialte a dihlak in onh tthan a si khawhnak ding caah lam kawl lio a si

Italy hi USA chim lo in, vawleicung ramkip ah mah cornavirus zawtnak angei tambik le a thi tambik ram an si caah economy zong nih a tuartuk cang i, cun an ram chungah sibawi le nurse pawl a thimi tambik nak ram a si. Source- NRP

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Zumtu ram a si mi, Italy mipi nih Pathian thawngin thawngpang tha an thei ve cang"

Leave a comment

Your email address will not be published.


*