Zumtu tha le milar, J. MacArthur nih US mipi a lauter bak ko; Trump caah cun thawngtha tak tak si

Uar um tak tak, Pathian rian ttuantu nih cun mah bantuk in bia hman le bia dik chim ding si ko. Trump hi Bible ning tein US ram hruai/kalpi a tim mi a si. Nudawk-Padawk pawl hna a duh lo, a ruang cu Khrifa ram nih mah bantuk in kan tuah ding a si lo, Cun nauhrawh zong a duh lo. Democrat pawl nih cun fakpi in an soisel

Democrat pawl nih cun nauhraw, nudawk-pawdawt, Transgerder pawl hna cu an mah duh thimnak a si lai, US tax zong mah pawl caah kan hmang lai tiah an rak dirpi tawn mi a si. Pathian policy he cun a dang ngai

US ram chung lawng si lo, vawlei cung ramkip ah a lar ngai mi le minh an uar ngai mi, Pastor le Ca ttialtawntu (CaUk) Jonh MacArthur nih President Trump cu, zumtu tak tak nih cun November President thimnak ah an vote dih lai tiah a chim cang (any real true believer is going to be on your side” in November)

Ryan Helfenbein of Liberty University’s Falkirk Center ah interview a tuahnak ah a chim mi a si. Amah hi Grace Community Church in Los Angeles County, California ah pastor rian a ttuan lio mi a si. Nai hrawng ah khan State cozah nih Covid phunglam a ser mi a duh lo ruangah phunglam zulh lo in Biak inn ah i pumnak a tuah mi kha a si

Mah Chinpage ah hin US thawngpang 4/5 ni fatin ka ttial peng caah, US thawngpang thei na duh ah cun chinapge hi like/comment vuan tuah law, ni fatin US thawnpang 4/5 na rel khawh peng lai tinak a si

Trump he an nih chawn lio ah a chim mi cu, Christian nih nau hrawh khawhnak hi kan cohlan awk a si lo, nau tha hi sual ngan tuk mi a si. Cun nu le nu, pa le pa i umti ti bantuk le thil tha lo dang dang hna a cohlan tu Candidate cu kan dirpi ding hrim a si lo,’ tiin Roman 1 hmangin a chim

Mah bantuk hi politic thil a si lo, mah hi Pathian bia a si. Mah thil tha lo pawl hna hi Pathian Bible ah kan hmuh dih mi a si. Pathian kan dawt, Pathian sungparnak langter kha kan duh bik mi a si,

Mi bu kan umnak ah Pathian in a ra mi ding felnak kha kan langter awk a si. Trump sin ah ka chim mi cu, Zumtu tha vialte nih cun nangmah an nih vote dih lai. Aruang cu mah thil hi pumpak thil a si lo. Mah hi kan dihlak caah a her mi thil a si, tiin Trump a dirpi ning a chim

Democrat pawl convetion an tuah mi cu Pathian nih a cohlan lai lo, Pathian zei rellonak thil a si, mi soisel, thangchiat le US ram caah thil tha lei lungput ngei lo in US ram then a tim mi hnan an si tiin a chim chap. Credit-Christheadline

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Zumtu tha le milar, J. MacArthur nih US mipi a lauter bak ko; Trump caah cun thawngtha tak tak si"

Leave a comment

Your email address will not be published.


*