7Days News nih fiangtein David Lah le midang kong a ttial cang. A hman mi a si tak tak cang ko lai hi

Kawlram Covid-19 zawtnak hmuh cang mi minung 27 hna cu voihnih test an tuah hnuah coronavirus zawtnak hmuh an si ti lo cang caah inn lei ah lawiter an si cang lai tiah a chim.

Mah minung 27 lakah coronavirus zawtnak hmuh hmasak bik Tedim pa Kaptel le Pathian rian ttuantu David Lah zong a tel tiah 7Day nih a ttial. Voihnih test an si hnuah an zawtnak a um ti lo zongah suimilam 48 cu zeidah an law tiah theih duh ruangah siizungah chia an si. Mah hnuah zeihman soiselnak a um ti lo ah cun inn lei ah an lawi khawh cang lai tiah 7Day thawngpang nih a ttial

Siizung inn ah chuah hnu zongah inn ah home quarantine in an um lai i, an duh poah ah kal khawh an si lai lo. Mah hnuh lawngah zalawngtein an um khawh lai tiah a source nih a chim. Tawng Auh Ka La, ah MP U Moe Myint nih voihnih test tuah a si hnuah coronavirus zawtnak hmuh a si ti lo mi David Lah nih damnak a hmuh tthan mi cu thawngtha bak a si tiin lunglawmbia a chim.

Tu ni Apirl ni 30 tiang myanmar ram chungah coronavirus zawtnak angei cang mi cu minung 150 an si cang i, atu an hmuh mi a hnungbik hi Chinnu a si. Pathian sin ah damnak an hmuh thawn khawhnak ding caah fakpi in thlacam piak hna u sih. Atu kan tuah khawh mi cu kan hoi le mah bantuk in damlo mi caah inn chungah ah lungtak tein Pathian sin ah thlacam piak lawng hi a si.- Source 7Day

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor