Taliban le ISIS-K hna hi uico le meheh bantuk an si ve, US le Taliban pawl i remnak ruangah Kabul Airport Abbey Gate ah ISIS-K nih suicide bomber kha an puah mi a si. Taliban pawl nih ISIS-K pawl an bawmh hna ti fiangternak zeihman a um lo. Natein Khalil Haqqani, US caah tih nung tuk mi, a lu man caah US nih $5m tiah a ti mi pa kha Kabul ah miraltha/pasal (Hero) bantuk in an rak dawn kha.
Mah pa hi a hlan ah ISIS-K pawl he pehtlaihnak angei mi a si tiin a kong chim tawna si
Khalil Haqqani nih Kabul Airport le a pawngkam ah Taliban Security in minung 170 hrawng cu hotu ah a chia hna,
Khalil hi US suspect top list ah chia mi a si, Zeitin dah ISIS-K suicide bomber nih Taliban checks points ah a lut khawh ning a si ti cu mi tampi bia halnak a si cang. Khalil Haqqani le a tupa 2 Sirajuddin & Anas, Khalil hna hi, Haqqani network ah US designated terrorist organisation ah tel an si i,
America nih kum 20 chung Afghanistan a uk lio ah Terrorist thil tuah mi tampi ah an rak i tel tawn. Cred-RTK
Laitlang lei thawngpang thar.. Nizaan August 27, Thantlang khua bomb puahnak in hliamhma fak a tuar mi Pa Uk Lian Kam (kum 14) cu Hakha sii-inn ah lanhpi a si i August 28 zing ah a nunnak a liam, aruak cu Thantlang lei ah an tlunpi lai tuah kan theih.
“Pa Uk Lian Kam hi hliamfak deuh a tuar i Hakha ah kalpi mi mizaw 3 lak ah pakhat si. Tuzaanlei August 28 ah aruak vui a si lai,” tiah Pu Ram Khar sin in kan theih. Hakha ah lanhpi mi 3 lak ah 2 zong hi an hliamhma a fak. Hakha an phanhka ah mino zaanghleicawitu hna nih thisen an hlut hna tiah kan theih.
Thantlang kahdohnak le puahkehnak in August 25 ah kum 10 ngakchia pakhat siseh, August 27 bomb puahnak ah kum 40 upa siseh, August 28 ah kum 14 tleirawl tiin mual an liam. Cre-THT
Kawlram thawngpang..KNU/KNLA nih SAC ralkap le an leitang BGF 15 an kahthah than hna.. Kayin Ramkulh Phapone ah SAC ralkap le an kuttang ramri hngak BGF pawl le KNLA cu August 27 ah voi 6 an i kap i SAC lei 15 an thi, 11 an i hliam.
“August 27 kha chun he zaan he voi 6 kan i kap. SAC ralkap le an leitang ramri hngak BGF 15 an thi i kanmah KNLA lei in aa hliam kan um lo,” tiah KNLA lei Officer pakhat nih a chim.
August 28 zing ah SAC raltuknak vanlawng pawl KNU hmunhma a si mi Taungoo Airport ah an phan tiah khuami hna nih an chim. Cun, muka in khuh mi SAC motor 10 hrawng August 28 zing Phapone lei ah an kal, tiah Khit Thit Media nih a langhter. Cre-THT
Be the first to comment on "A poi bak ko, Taliban nih US an hlen ti si cang. US ralkap 13 thinak kongah"