Vawleicung ah hriamnam lei in tih nung bik mi pahnihnak Russia zong bawmh a herh ve caah Iran nih hriamnam in a bawmh ve cang tiin report tampi nih an tial. Ukraine’s Defence ministry hna nih Russia cawlhcang ning thatein an zoh hnuah Belarus lei ah Donbas lak ding in hriamnam tha tha he tim tuahnak a ngei lio a si tiin an langtter. UK Ministry of Defence zong nih
intelligence briefing ah fiang cik cek in Russia nih tuah a tim mi an langter ve. Donbas lei cu mangchia
bak in an um cang ko lai. Mipi zong zaangfah an si tuk cang i, Russia nih mah bantuk in Ukraine a thuat
peng mi ruangah Ukraine le Russia economy cu ceilak a zorthluamah lai The Guardian reports nih a langter ning ahcun, Russia nih Ukrainian tuk nak ding caah Iran nih hriamnam tha tha in a bawmh tiin a tial. Mah hi Iranian-backed Iraqi militias & regional intelligence services sin in thawngpang an thei mi an langter mi a si. Hriamnam tha tha an bawm mi hna hi, munitions le hardware ah rocket-propelled grenades, anti-tank missiles, &
Brazilian-designed rocket launcher systems hna a si tiin an langter. Iranian-made Bavar-373 missile
system, Russian S-300 long-range surface-to-air missile system hna a si tiin report nih a langter.
Russia’s former president & deputy chairman of its Security Council Dmitry Medvedev nih a chim ning ahcun, ” West ram vialte nih, Russia nih a ser mi thil hna hi vawleicung ramkip ah kan zuar ding mi an duh lo, Russia a lian ngan chin lengmang mi hi an ttih bak mi a si tiin a chim. Mah bantuk lungput an ngei ruangah Russia hi daitein kan um nem mam lai lo, CIS [Commonwealth of Independent States, including Georgia and Belarus], BRICS [Brazil, Russia, India, China and South Africa], Latin America &
Africa hna hi kan hawikom ram a si i, Rian tuanti pi ding mi kan ngei mi a tam tuk hna tiin a chim.
Japan zong nih Russia sanctions ding mi a langter ve cang. Russian citizens minung 398, Organizations 28,
President Vladimir Putin’s fanu 2, Foreign Minister Sergey Lavrov’s nupi Maria Lavrova le a fanu Ekaterina Lavrova hna an si. International Consortium of Investigative Journalists (ICIJ) nih information thar, Russians he a pehtlaih mi 800 Dubbed “Pandora Papers Russia” mi hna cu an langter. Russian President Vladimir Putin’s allies le
Russian political figures hna vawleicung ramkip nih sanctions an tuah mi in an nih thup kho
nak ding caah tiah an tuah mi Data thar hmuh a si, Mah Data thar cu – CIJ’s public Offshore Leaks
Database ti a si. Prosecutor general of Ukraine, Iryna Venediktova nih a chim mi cu, Russia war crimes 5,800 nak in tam deuh cu hlethlainak kan tuah lio a si, Atu 500 hhlethlainak kan tuah mi ah Russian politicians, military personnel & propaganda agents hna an i tel tiah report ah a langter. Cred-RTK
Kawlram lei thawngpang…..Yangon-Mandalay motor lampi ah SAC ralkap motor 2 cu Bago ramṭhen
PDF nih bomb an puah hna, cu bomb puahnak ah cun SAC ralkap 3 an thi, tiah Bago ramṭhen PDF ṭuanvongeitu
sin in theih a si. Tongmangno(bu-hmu) nih zulhmi SAC ralkap motor cu Yangon-Mandalay lampi mengtung 50/2 ah Yangon lei in a ra mi SAC ralkap motor 2 cu Bago pengkomh PDF battalion 1, tat-khuai 2 nih nihin April 12 zinglei suimilam 5:00 hrawng ah bomb puahhnawh in an doh hna, tiah ramṭhen ṭuanvolatu PDF nih a chim. “Kanmah lei nih a hlankan tein
kan bawh hna i kan doh hna i, a hmaisa mi motor cu bomh nih a khen caah minung 2 an thi i,
midang pakhat cu fak ngai in hliamh a si lengah hliam tlawmpal a tuar mi zong an um,” tiah a chim chap.
Nihin April 12 chunhnu suimilam 3:30 hrawng ah Bago ramṭhen PDF battalion 1 nih DaitOo(ဒိုက်ဦး) peng Myomah dawr hmai ah tuah mi SAC ralkap titoih puai tuahnak ah bomb an puah, tiah a chim chap. “Kan umkal tikah SAC ralkap motor ruun hna he i hlat in um ding a si,” tiah mipi sinah Bogo ramṭhen PDF nih cun nawlnak an tuah i, mipi hliamh an si sual lai phan
ruangah kahdohnak an hrial tawn mi zong a um, tiah PDF chimphuannak nawlngeitu nih a chim.
==A thar in kahdohnak a fahnak hmun Laykekaw khuathar ah SAC vanlawng nih mi aa palh sual
ruangah anmah lei tu bomb a thlak hna i, a thi mi an tam, tiah KNLA phufonh nih an chim. Kahdohnak ni zeimawzat a dai cang mi Laykekaw khuathar ah April 10 zinglei tuan nawn ah SAC ralkap cu rallam hmunhnih ah sial in an luh ruangah KNLA phufonh he an i kap. SAC ralkap 30 leng an thi i an ruak cu nihin tiang an char rih hna lo, tiah KNLA phufonh nih an chim.
SAC ralkap brigade 44 in captain pakhat tlaih a si i, hriamthil zeimawzat zong an lak, tiah theih a si.
SAC ralkap a thi le hliam tuar an tam caah vanlawng nih kah a bomh hna i bomb zong a thlak. Vanlawng
nih bomb thlak aa palh i SAC ralkap tam tuk an thi nain a thi mi zat cu fiang in theih a si lo. “Phayakung pawng ah bomb a tla i a pawng kam ah hliam tuar mi palik an an um. Kahdohnak a chuah lio a si caah an ruak an char kho hna lo. A cheu cu an pum an i thencheu i, cheukhat cu mei nih a kangh hna,” tiah an chim. KNLA ralkap pakhat nih a chim.
“SAC vanlawng nih Bomb a thlak hi zanlei sang ah a si i, bomb a tlaknak hmun cu a hmuitler ngai.
Chemical sii aa tel ti kan theih colh. Ti ah hnim mi thilri ciar in kan hnar kan i huh. Bomb khu aa hamh mi le aa dawp sual mi cu an ri i an luak zong a chuak,” tiah KNLA lei nih an chim. December 15 khan SAC ralkap le KNLA cu an i doh lengmang caan karlak kahdohnak a daih hnu ah April 11 ah fak ngai in an i kap ṭhan. Kahdohnak a chuah ruangah tualchung mi hna cu Thailand-Myanmar ramri Tawngyin(သောင်းရင်း) tiva kam le a himnak hmun ah an zaam hna i, atu tiang an chuah khua ah an kir kho rih hna lo. Cre-TCP