A poi tak tak!! Covid-10 Lockdown ruangah Malaysia ah kawlram mi 8 an mah le mah an nih that

A poi tak tak, mah bantuk tiang tuah cu, minung nunnak hi zeitluk in dah a sunglawi, mah bantuk in covid ruangah minung 8 mah le mah i thah cu an chungkhar hna zaangfah  tuk hrinhrang an si

Covid ruangah ramkip nih lockdown tuah dih a si, mah bantuk in lockdown tuah lio ah ramdang ah rian ttuan in a um mi caah zeitluk in dah lungrethei a si lai ti hi kan thei piak khawh mi hna a si lo. A ruang cu an dirhmu kha kan thei lo caah si. Covid-19 lockdown ruangah  Malaysia ah myanmar mi rian ttuan nih a um mi hna cu fakpi in harnak le buainak an tawn. Mah bantuk thil an tawn caah a cheu cu an nun in a celh ti lo caah an mah le mah nunnak tiang an lak  hi asi

June 21 ah kawlram mi, Malaysia ah rian ttuan in a um mi cu amah le mah nunnak a lak tthan hoi i, a mah hlan ah minung 7 cu an mah le mah nunnak an rak i lak cang tiah source nih a chim. Atu hi an dih lak in minung 8 an si cang tinak a si

Malaysia-ah hin Myanmar mi 500,000 hrawng an um tiah thei a si. Covid-19 rungah lockdown tuah a si bak in kawlram mi phunningloin Myanmar ah a lut mi hna cu ralkap nih an tlaih thluamah hna. Mah ruangah phunning loin Malaysia ah a lut mi hna nih fakpi in harnak le buainak an tawn. Mah bantuk in mah le mah a that mi hna hi ei ding a ngei lo mi, an lungrethei tuk ruangah a si tiah thei a si

Mah bantuk in lungrethei in mah le mah a that mi an tam tuk caah Foreign ministry lei nih cun document ngei lo Myanmar minung,  kir a duh mi poah caah fakpi in rian kan ttuan lio tiah an chim. Credit: VOA Burmese, 21.6.2020.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor