A poi tak tak, Kawlram thil a cang mi kongah China le Russia thil tuah ning hi

China le Russia thiltuah cu lungrawk taktak asi. Kawlram minung cu an kan hloh ko. Anmah ruangah hi zatzat minung kan thi tiah ti khawh asi cang. Nihin ah Irrawaddy thawngzamh nih a langhter ningah cun,

Russia le China nih kawlram ralkap cu raltuknak hriamnam  biatak tein an pek tiah a ti. Russia nih Min Aung Hlaing cu digital survelliance le raltuknak vanlawng sertharmi a pek. China nih Min Aung Hlaing a pekmi cu,

a mawngtu um lomi vanlawng drone unmanned Aerial Vehicles (UAVs) a pek ve. Russia le China nih MAH an pekmi hriamnam hna hi tulio ralhrang nih mipi dohnak dingah an herhmi lawngte an si tiah Jane’s International Defence Review nih a chim. Credit-Chinforum

Cozah riantuan CDM a tuah mi thla hlawh an lak thiam ko. Ralkap nih uknak an lak hnu ah ramchung cozah riantuan tampi cu CDM ah an lut hna. Sinain ralkap nih thla hlawh a thawh hna ahcun thla hlawh an lak thiam ko tiah theih a si.

Laitlang cozah riantuan pakhat nih a chimnak ahcun ” CMD le tuah a si i thla hlawh le lak thiam a si ko” tiah a chim. CMD a tuah mi dihlak hi thla hlawh an lak dih lo le lak dih cu theih a si lo. Sinain CDM a tuah ko nain ralkap nih pekmi thla hlawh a latu cozah riantuan CMD an tamtuk tiah theih a si.

A bik Chin ramkulh ahcun sianginn cachim hi cizah riantuan an tam. Khuate he khuapi he an um hna caah sianginn cachim hi cozah riantuan an tam bik. Sianginn cu covid ruang ah khan ralkap nih uknak an lak hlan 2020 khan sianginn kai a si ti lo. Sianginn kai a um lo zong thla hlawh cu lak peng thiam a si.

February 1,2021 ah ralkap nih uknak an lak. Cozah riantuan tampi CDM ah an lut hna. Sianginn cachim tampi zong CDM ah an lut hna.

CDM an tuah ko nain ralkap nih pekmi thla hlawh cu an lak peng thiam ko. February thla he Narch thla he thla hlawh cu an lak peng thiam ko tiah theih a si. Thla hlawh a la lomi zong tlawmpal cu an um kho ko.

CDM ah kan lut ti tung i ralkap nih pekmi thla hlawh lak thiam cu a tha maw? Cucu CDM tuah taktak cu a si maw? Sianginn kai um sehlaw sianginn cu tak an kai hnga maw? CDM tuah ko buin thla hlawh lak khawh cu a tha tuk ko cu teh.

Ralkap pekmi thla hlawh free tein lak a si i cucu ralkap phaisa va chuh pei a si ko. A tha ve ko tiin a ruatmi hna tah kan um maw? Na kih si le kik lawlaw, na lum sie lum lawlaw ko. CDM na tuah ko tung ahcun ralkap pekmi thla hlawh zong i lak a hau lo tiah na ruah ning a si maw?

Ngandamnak lei rian a tuan i CDM a tuah mi lawng hi thla hlawh an la lo i a dang cozah rian a tuanmi CDM a tuah mi cu thla hlawh lami tamtuk an um tiah theih a si. Credit-Chin11news

Be the first to comment on "A poi tak tak, Kawlram thil a cang mi kongah China le Russia thil tuah ning hi"

Leave a comment

Your email address will not be published.


*