A poi tak tak ko, Biden nupi le Nancy nih Joe Biden le Dr. Fauci nawl an zulh duh lo

Mah ruangah si men lai mi tampi nih Masks an hmang duh lonak si lai, Atu hi covid thar a um than, US ram chungah Covid thar omicron hmuh a si cang, President Joe Biden le Dr. Fauci, White House adviser nih heh tiah masks hmang u tiah an au pi tawn, An mah lei kap minung nih heh tiah Joe Biden le Dr. Fauci nih an uapi mi cu an hrawh than lengmang tikah mipi lungthin a der ngai.

Reverend le Doctor, US first Lady Jill Biden nih White house chungah ngakchia heh an um ti lio ah masks mandate (masks nan hmang hrim lai tiah President Joe Biden nih nawl a chuah mi cu a zulh duh lo)

Joe Biden nupi nih a chim mi cu, zeiruangah dah masks cu ka hmang lai, Vaccine tlamtling tein ka lak cang, Zeirungah dah masks cu ka hmang lai tiin a chim.

White House ah ngakchia pawl he i tawnnak an ngeih nak ah US first lady nih Masks a hmang duh lo caah bia halnak an tuah mi ah , Zeiruangah dah fih nung tuk mi Masks cu ka hmang lai, vaccine tlamtling tein ka lak cang tiin a leh hna President Joe Biden nih American sin ah zaangfah in Masks thatein hmang u tiah a aupi thaizing bak ah

Nancy Pelosi cu DC indoor ah mi tampi umnak ah Masks hmang lo in a duh duh in a um mi hmuh a si than.

Mi tampi nih DC indoor chungah Masks hmang in nawlngai tein an um lio ah Nancy pelosi, House Speaeker nih Masks a hmang duh lo mi cu heh tiah soisel a si i.

Nancy Pelosi zong hi Masks kongah heh tiah a aupi tu pakhat a si ve, Congress chungah Masks a hmang lo mi cu tangka tampi a rak liam ter tawn hna. Atu Dr. Fauci le President Joe Biden nih  Masks kongah heh tiah an au cuamah lio ah President nupi le House speaker nih Masks an hmang duh lo mi cu Masks a hmang duh lo tu pawl caaht thawngtha ngai ah a vun si than.

Mah bantuk in heh tiah Masks hmang ding in a aupi tu lilah nih Masks hmang loin an duh duh in an um than tikah,

mipi lei zong nih, a hlei in republican pawl nih ceilak in an thuat hna i, phunglam hi serh sawh sawh ding a si lo, mah le hman nih tuah khawh lo mi cu serh lo ding, Mipi caah lam a sial tu pawl nih Masks hmang lo in duh duh nan um ko caah Masks a hmang lo mi pawl rak ka mawtchiat ti hla u tiin Masks a dohtu pawl nih an ti cang hna. Cre-Breitbart