A poi tuk cang ee!! Coronavirus ruangah Laitlangah Pathian rian ttuantu pahnih sin ah Setana nih a tim mi a hmuh cang ruah?

Coronavirus zawtnak ruangah khrihfa rian ttuantu tampi cu palik nih an tlaih hna. Thawnginn  tiang an phan cang. Coronavirus ruangah i pum kho lo in um cu khrihfa caah cun thil hartuk mi pakhat a si ve. Vawlei ramdang ah thawngpang kan theih mi kha atu cu kan laitlang ah a tak in, kuttawng bak in kan phan ve cang. Mi cheu nih cun cozah nawl ngai a tha tiin nawl ngaitein an mah in ceu ah Pathian Baibel rel in an um i, thla an cam lio ah a ceu cu inn ah um kho lo in cozah nawl ngai loin an mah nih duh ning bantuk in Pathian rian an rak ttuan ve

COVID-19 kong he pehtlai in COTR khrihfabu Pastor Rev. Biak Lin Thang le Evan.Tawk Uk (Australia) cu La-Wa-Ka nih zulhphung a ser mi phung an buar tiin upadi ning in La-Wa-Ka nih taza a cuai hna tiah kan theih. Lahwahka nih COVID-19 kan i runven khawh nakhnga tiin Hakha khua chung telh in hmun dangdang zong ah mibu in tuah mi puai tuah lo ding le biakinn ah i pumh ti lo ding in zulh phung a ser i nawl a rak chuah bal.

“Atu taza kan cuai mi hna chung in Rev. Biak Lin Thang hi Hakha khuasa a si. Cun, pakhat hi Australia ram in Social Visa he Laitlang a rak tlawng mi a si i, a min ah Evan. Tawk Uk a si. Evan. Tawk Uk hi Social Visa in a rak tlung mi a si nain amah nawl in mi a pumh hna i thawngtha a chim. Social Visa ai tlaih ko buin mibu  sin ah thawngtha a chim, phung a buar ca ah a tu bantuk in taza kan cuainak hi a si. Cun, thawngtha chim a duh a si cun, Meditation Visa ai tlaih a herh,” tiah Hakha Lahwahka Lutlai Pu Ze Uk nihThe Hakha Post ah a chim.

2020 March 28 ah Tamu peng, Khuahmunnuam khua ah USA in a rak tlung Salai Thang Lin Shine nih nupi thitnak puai a tuah ca ah Ramthen Cozah nih taza a cuai cang tiah kan theih.

Cun, “Evan. Tawk Uk hi Visa zulh phung a buar ca ah kum 1940 Lahwahka upadi pohmah 42 (2), 13/1 in taza cuai a si. Rev. Biak Lin Thang hi      Australia ram in Evan. Tawk Uk nih a inn ah a tlun kong Lahwahka sin ah thawng a thanh lo ca ah kum 1948 Lahwahkah upadi dal 14/6, pohmah 5 (1) in taza kan cuai ve,” tiah Lahwahka Lutlai Pu Tum Thang nih a chimchap. Rev. Biak Lin Thang hi a tlawm bik thla ruk in kum nga le tangka in dantat khawh a s. Cun, Evan. Tawk Uk hi a tlawm bik thla ruk in kum nga le tangka kyats 1500 dantat khawh a si tiah La-Wa-Ka nih an chim.

Thawngtha maw si thawngchia ti zong theih kho a si ti lo: China sibawi thiamtu mi hna cu Kawlram ah Covid-19 doh dingin an kal lai>> Yangon – China Medical Team hna cu April zar hmasak bik ah kawlram an kal lai. Kawl ram zong mah zawtnak nih a phan ve cang caah China sibawi thiam pawl hna cu kawl ram chungah Covid doh ding in an kal lai.Mah thawngpang hi Health and Sport Ministry ah rian ttuantu Dr. Thai Kun Kyaw nih a chim

Atu a ra ding mi hna hi Coronavirus lei ah mi thiam hna an si. Source nih a chimh ning ah cun an mah Chinese sibawi pawl an ra hnuah cun ni khat ah minung 200 hna cu mah zawtnak an ngei maw ngei ti an zoh khawh cang lai tiah a chim

Chinese sibawi ara ding mi hna cu Myanmar ram chungah ni 14 chung rian an ttuan lai i, an mah china siizungah  an hman mi, laboratory hna zong an rak keng chi lai. Mah a ra ding mi hna hi kawl Sibawi pawl sin ah atu lio zawtnak kong hi fiangtein an chim hna lai i, a her mi vialte le coronavirus ruangah damlo mi zohkhen ning fiangtein an chim hna lai tiah Dr. Tha Kun Kyaw nih a chim. China ram in mah covic dohnak caah a her mi thil Laboratory cu march 17 ah kawl ram sin ah kuat a si i, cu cu mi 2016 caah si i. Cun a voihnihnak caah March 26 ah PPE 5000 N 95 Mask 5000 le voikhat kho mi 200000 a rak phan