A poi tuk ee!! AA le kawl ralkap ruangah khua 10 ah mipi cu an zam dih

Election a nai chin lengmang cang, natein mipi caah tihnak le thinphan launak a dai kho hrim lo, mah bantuk in a si ah cun election lio ah buainak fakpi a chuak sual lai ti zong tih nung ngai a si.

Rakhine State, Rathedaung Township, oo Chaung khua ah AA le myanmak ralkap cu Jime 14 ah fakpi in an nih ka tthan hoi tiah thei a si. Khua 10 ah minung vialte cu an tih tuk caah an zam dih tiah thei a si. Mah thawngpang hi khua mipakhat min langter lo mi nih MP U Aung Ko Lah sin ah a chim tiah Khit Thit Media a chim

Rathedaung MP U Aung Ko Lah nih a chim ning ah cun, ”June 14, (5:00 pm – 7:00 am) hrawng ah ralkap hna cu meithal nganpi hmang in ceilak in an nih tuk i, Zanlei suimilam 7:30 htawngah thawngpang a vun dai than. Mah bantuk in kawl ralkap le AA pawl i tuk ruangah minung a thimi an um lo tiah a chim

Zinglei suimilam 8:AM ah kawl ralkap hna cu khuachungah an vun lut i, mipi nih an tih tuk caah an zam dih tiah achim chap. Credit- Thengephesizopost (Source-Khit Thit Media)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor