A poi tuk ee!!! Democrat pawl thil tuah ning cu Israel caah mangchia bak si ko cang

Democrat pawl hi cu Israel caah cun ral bantuk an si cang ko. Democrat ah hin Muslim zong an um ve caah Israel dohnak caah le US nih Israel a bawmh tawn mi hna cu dawngter dih hi an nih tim bik mi a si tiah ka rak tial cang kha. Israel le palestine pawl buainak kong zongah Democrat nu pali nih Palestine lei an dirpi ning kong zong ka rak tial cang kha

Israel le Gaza May thla ni 11 an i tuk dih hnuah khan Biden administration nih Humanitarian ground ah Millions tampi bawmh ding in biakamnak a rak ngei,

Israel zong Iron Dome ser than ding in bia a kam. Natein Democrat lei nih bill pakhat House ah an chuahpi i,

US nih Israel cu Iron Dome ah a bawmh lonak ding bill an chuahpi mi cu Democrat dihlak nih an cohlan caah US nih Israel cu Iron Dome ah a bawmh ti lai lo tinak a si. Donald Trump lio zongah hnahnawhnak a chuahpi peng mi nu pali, The squad an ti mi,

The Squad Progressive Democrats Representative, Elexandria Ocasio Cortez of New York, Ilhan Omar of Minnesota, Rashida Tlaib of Michigan le

Pramila Jayapal of Washington hna an si. A hlei in Rashida Tlaib of Michigan hi Palestinian lei mi a si.

Api zong a tu hi Palestian ah a um i a dam ko. Mah nu nih Bills hi a chuahpi mi a si.  Natein House Majority Leader Hoyer nih Israel Defense Ministry lei a chon cawlh i House ah Technical block lawng a si,

A hnuah Israel 1$ Billions Iron Dome Defense system serthannak ding caah tangka nan hmuh cawlh lai tiin telephone in a chawn hna. Cred-Breitbart

Kawlram kong…. Yangon ramtthen, Hlaingtharyar ah dirhmi CGF hriamtlai phu nih nizan September ni 21, kum 2021 zanlei suimilam 3:30PM thok khan

Anawyattha lam cungah ummi Yugyi le Yutee timi kar ah kah dohnak pakhat an vun thok cang, lamhlaat in control khawhmi bomb pa 6 hmang in ralhraang pawl an phomh hna.   Hi bomb puahnak ah hin uniform aa hruk lomi ralhraang pawl tam lak te hliamhma an pu nain CGF lei in in cun hliamhma pumi pakhat hmanh an um lo.

Hlaingtharyar hi ralhraang uknak kan duh lo tiin sandah piah ruangah ralhraang nih tampi an rak thah hnanak hmun si.

Nizan September ni 21 zanlei ah khan ralhraang lei in Captain range simi le ralhraang palik bawi pakhat an cuannak motor bomb in an puah khawh ruangah a cung cuangmi an dihlak in sizung an phan viar.

Kan nih CGF nih cun mipi hna himnak ding hi a si khawh chung in kan i zuam lai, mipi lei zong nih kan mah he hmunkhat ah ttang tti ding in kan in sawm hna tiah thawngthanhnak an tuah. Chin24Saven News