A poi tuk ee!! Jesuh thawngin an tlaihrem, an vel, an that nu kong nih vawlei a hninh ko

Jesuh thawngtha ruangah nuhmei nih mah bantuk tiang a tuar mi cu zaangfah a si tuk hrinhrang ko. Vawlei a hninh bak ko. Zumlotu pawl nih khrifa cungah an tuah ning hi zoh ah cun a poi tuk mi a si

A zumnak ruangah tlaihhrem lawng zah an ti lo, an tlaihhrem hnuah, fakpi in an velh, an velh hnuah an thah, an thah hnuah a pum cu saram ei ding in ramchungah an kal tak. Mah bantuk in nuhmei cungah thil tuah duhnak lungput le zaangfah nak an ngei lo mi ruat ah cun lung a fak tuk hrinhrang ko

Kum 40, Bajjo Bai Mandavi, Kumud, Chhattisgarh ah khua a sa mi hi, apasal nih a mual aliam tak mi a si. Fa 4 angei. Hindu zumnak in khrifa lei ah a thial mi a si. Pathian a zum ngai mi le khrifa buu nih an nih bochan ngai mi a si. Fa 4 a ngei cang.

Hindu pawl nih hindu ah na let tthan lo ah cun kan nih tha hna lai tiah voih 4 tiang an tlerh cang mi a si. natein a zummi Jesuh cu a thei fiantuk caah Hindu ah a let duh tthan ti lo tiah Pastor Rupesh Kumar Salam nih morningstarnews sin ah a chim

Mah bantuk in Hindu ah a um duh tilo caah hindu pawl nih a cungah mah bantuk hi an tuah mi a si tiah thei a si. Credit-Morningstarnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor