ISIS /ISIL pawl nih caan tha an kawl ve peng i, thawngpang tih nung tuk mi le a hlan ah an rak cawlhcang ning bantuk in cawlhcang than ding in caan tha an zoh peng, Syria ram in US troops an chuak hnuah ISIS/ISIL pawl thawngpang thar thei ding mi a tam chin lengmang than cang. Atu hi, Ni 3 chung cu ISIL (ISIS) le
Kurdish forces hna heh tiah an i tuk than cang, Kurdish pawl nih ISIL members an rak tlaih mi, an chianak
hmun Ghwayran prison, Syrian northern city Hasakeh cu heh ISIS pawl nih lak ding in an tuk i, ISIS member
pawl cu thawnginn in an chuah khawhnak ding caah heh tiah cawlhcang nak an ngei UK-based war monitor Syrian Observatory for Human Rights report nih a langter ning ahcun, ISIS le Kurdish pawl i tuknak ah, Kurdish security forces 28 an thi i, ISIL lei minung 45 an thi ve, Cun, Civilians 5 an thi ve cang tiin a langter.
ISIL Members 3500 nih Ghwayran prison cu lak ding in an tuk i, ISIL pawl nih an hawi le, thawnginn ah a um
mi hna tampi cu thawngiin in an chuah khawhnak ding caah cawlhcangnak an ngei, Thawnginn ah a um mi ISIS
tampi cu an zam kho tiah thei a si, Natein a zam mi ah Kurdish force nih an tlaih mi an ngei than tiah source nih a langter. Farhad Shami, spokesman for the Kurdish-dominated Syrian Democratic Forces (SDF) nih a chim ning ahcun, mah an nih tuk mi hi thawnginn le a pawngkam hrawng lawng ah a si tiin a langter. ISIL Jihadist Group nih Amaq news agency ah an duh mi an chim ning ahcun, kan hawi le
thawnginn ah a um mi hna kha thawnginn in chuah ding “free the prisoners” hi kan duh bik mi a si tiin an langter.
US nih afghan a chuahtak i, Afghan ah Taliban pawl nih uknak an lak hnuah, a tu hi IS pawl an vun kir than cang i,
Taliban le IS pawl hna heh tiah an i tuk than cang, source tampi nih a langter ning ahcun Taliban pawl nih IS pawl hna hi an tei lo ngai hna i, Taliban pawl zong tu hi an lungreithei ngai ve. Mah bantuk in Afghan ram chungah IS pawl an cawlhcang lengmang ahcun, Afghan hi IS kut ah a um men lai tiah an zum cang. Cred-RTK
Kawlram thawngpang… Nawlngeihnak latu ralhrang phu kuttang rianṭuan duhlo in, ralhrang uk duhlo cawlcanghnak
CDM a tuah i, Demawhsu mizapi vengtu ralkap (DMO-PDF) chung ah a lutmi minung 17 hna cu minung pakhat
ah phaisa 108,000mmk cio a voihnihnak ah bawmhnak pek hna, tiah DMO-PDF nih nihin January 23 ah cathanh an chuah. Cozah rianṭuan in aa cawm mi hna nih CDM cawlcanghnak an luh leng ah anmah pumpak hlawknak kaltaak in mipi lei an dir; mizapi vengtu ralkap phu PDF chungtel zong ah an luh hna. Ralhrang uknak cu an hramcah cikcel tiang hriamnam i tlaih in kan doh lai tiah an chim.
DMO-PDF central committee hruainak in aa chang tein bawmhnak peknak cu January 5, 2022 ah khan
CDM ralkap minung 29 sin ah bawmhnak pek an si ti in an cathanh chuahmi ah cun an langhter. Ramchung, ramleng um bawmhchantu hna nih nan pekchanh mi phaisa cu CDM ralkap chungkhar eiding le herhhai dang bawmhchanhnak ah tampi kan hman i, a pehtlai tein nan kan bawmh rih naklai a hlutu nan dihlak in kan in nawl ko hna, tiah cu cathanh chung ah cun an langhter chih. Mizzima