A poi tuk ee!! Mipi lei a thih mi cazing an langter mi cu ngaihchiat tak tak si

Bagu ah ralhrang ralkap kut in minung 80 leng an thi, minung 200 leng an tlau. Bagu khua ah ralhrang ralkap nih 2021 April 9 in mizapi an kah hna caah mizapi lei a thi mi minung 80 leng an si cang i, minung 200 leng an tlau cang tiah, RFA nih a tial.

“Hliamhma a pu mi hna kha thlop an si lo, cucaah an thi chuah a luan i a thi beh mi an tam khunnak hi a si. Nizan ah khan ruak 50 leng kai a si i, tuni tiang ah cun ruak 80 leng a phan cang.

Pum hlainak ah ruak hlam ding in chungkhar sin ah thawng an vun thanh hna i, ruak a rak hlam mi poh tangka 120,000 ks an hal chap hna,” tiah Bagu khua ralkap uknak duhlo langhternak ah hruaitu pakhat nih a chim.

2021 February 1 in ralkap nih uknak a lak hnu in 2021 April 10 tiang ah ralkap kut in ram mi 650 leng an thi cang, tiah kan theih. Ref: RFA

Tamu ah ralkap le mizapi i kahnak ah ralkap lei 13 an thi. India le Myanmar ramri ah a um mi Tamu khua ah 2021 April 10 ah ralkap le mizapi an i kap i ralkap lei minung 13 an thih pin ah hliamhma a pu mi an tam pi rih, tiah Mizzima news nih a tial.

Mizapi lei nih ral khamnak hmun an sak mi cu ralkap nih tuni suimilam 12 hrawng ah an rak fuh hna caah i kahnak a chuah hi a si i mizapi lei kap in minung 2 an thi tiah kan theih. REF: Mizzima news. Credit-The Hakha Times

Be the first to comment on "A poi tuk ee!! Mipi lei a thih mi cazing an langter mi cu ngaihchiat tak tak si"

Leave a comment

Your email address will not be published.


*