Tu lio thawngpang kan theimi hna hi a mak chin lengmang ko, Russia hi US ral a si caah US duh lo ningtein a tuah lengmang lai ti kha a fiang ko, China zong hi US he ral an si caah US a tuah mi kha a doh lai i US duh lo ning tein a cawlhcang peng lai ti kha a fiang ko. Kan thei cia bantuk in Russia cu Min Aung Hlaing a dirkam tu a si. Atu zong Min Aung Hlaing caah thawngpang tha tukmi a tuah piak than hoi tiah news tampi nih an tial
Russia nih a sermi SU-30 Fighter jets million man cu Naypyitaw ah full security he hmuh a si i,
mah Russia Jet hi zeidah Naypitaw ah a tuah ti hi mi tampi nih bia halnak an tuah mi a si.
Kum 2016 ah Min Aung Hliang le Russia hotu hna cu mah Jet Fighter cawknak kongah contract an rak tial cang, Russia ser SU-30, hi 10 cawk ding in biakhianak an rak tuah cangmi a si, kum 5 a liam cang. Russia nih Myanmar Junta pawl hmang ding in deliver a tuah cang tiah mi tampi nih an zum ning a si, Myanmar Democracy ram duh lei kap NLD & PDF an ngeimi a that lo lio ah, mah bantuk Jet fighter tha tukmi Russia nih
Min Aung Hlaing uico pawl kut ah a pek thanmi hi cu a poi tak tak tiah social media ah an lungfak ning an chim. Cred-RTK
Kawlram thawngpang….Sagaing ramṭhen, Chaung U peng chung ah Chaung U Local Defence Force in
training petu le ralkap 5 cu, June 7 ah SAC ralkap nih an tlaih hna hnu ah an thah beh hna, tiah theih a si. June 7 zing sml 7:00 hrawng ah raltuk training cawnter ding in an kal lio ah Chaung U peng, Shwe Po Kung khua pawng ah Pyusawthi le SAC ralkap nih an rak bawh hna i an kah hna. Raltuk chimtu ralkap Hliat Si cu a hmun ah a thi colh. A dang ralkap 4 cu, Shwe Kyi Kung khua an phak ah an thah hna, tiah Bo Ka Nung Ya zar nih a chim.
“Kan ralkap 5 an thih lio hi, training kan tuah lio a si. Training tuah nakding kalnak lam ah
SAC ralkap le Pyusawthi pawl nih an bawh hna i an kah hna. Shwe Po Kung khua hnulei ah tlaih an si i,
training petu zong cuka hmun an thah. Ralkap hna ruak cu kan la kho rih lo,” tiah a chimchap. Nunnak a liam mi ralkap hna cu Hliat Si kum 21, Yar Hu kum 27, Kyut Ni kum 25, Wu Hkung kum 18 le Khant Kyi kum 21 hna an si. “Hriamnam kan ngeihmi a tlawm tuk caah kan duh ning in kahdohnam kan tuqh kho lo. Hriamnam um sehlaw Kan Kyi Kung khua um Pyusawthi hi mah tluk in an ṭhawng lai lo,” tiah Bo Ka Nung Yar Zar nih a chim.
==Myaung peng le Yesagyo peng kar ah rallam sialtu SAC ralkap hna cu tualchung hriamtlai
phu hna nih June 9, zinglei ah a thli in an kah hna i, bomb zong an puahhnawh hna caah
SAC ralkap 15 an thi, tiah Myaung peng CDSOM phu sin in theih a si. SAC ralkap hna cu Yesagyo peng in Myaung peng an kal ah tualchung hriamtlai phu nih zinglei suimilam 6:00 hrawng ah a thli in an kah hna i, cu kahdohnak ah cun SAC ralkap 10 leng an thi tiah theih a si. Lampi i kah an ton caah SAC ralkap hna cu vaivuan in an tlizaam hna i, cuti an tlikzaam lio ah cun bomb
puahhnawh an tong chap i SAC ralkap 5 hrawng an thi ṭhan tiah theih a si.
SAC ralkap lei nih hriamngan 60mm le 40mm cu pehtlai in an puah caah tualchung hriamtlai
phu lei pakhat nih hliamhma a tuar, tiah theih a si. Cu kahdohnak ah cun PDF Taloke, MGN Ranger, MGN Tiger, MGN 35, MGN 21,Shwe Oh (CDSOM) le Bu Gya Tit hna i fonh in, kahdohnak an tuah tiah theih a si. SAC ralkap hna nih cun Zayat Ni khuachung ah inn 2 an khangh i, Myaung peng Minhlah khuami pa 3 cu an tlaih hna, tiah theih a si.
==Nihin June 9 ah Kanpetlet pengchung, AhtatLatMon khua pawng ah SAC ralkap 185 le tualchung
hriamtlai phufonh- CDF-Kanpetlet, The Youth Force(Saw,Kyaukhtu), PDF-NgawngYan,
Saw-PDF battalion 2 battalion (YRPA) hna karlak kahdohnak a chuak. Zinglei suimilam 10:00 in 11:00 tiang ah a voikhat kahdohnak a chuak i, zaanlei suimilam 5:00 in 6:00 tiang kahdohnak a chuak ṭhan. Cu kahdohnak ah cun SAC ralkap 9 an thi i hliam tuarmi zong an tam lai, tiah zumh a si. CDF-Kanpetlet le tualchung hriamtlai
phufonh lei hliam tuar an um lo, tiah theih a si. SAC ralkap nih rallam an sial caah
LatMon khuami hna cu an zaam i, SAC ralkap nih khuachung ah zuatmi saṭil hna cu an thah i, an ei tiah tualchung mi nih an chim. SAC ralkap nih sualnak ngei lo mi hna cu ralphaw ah an tlaih fawn hna tiah theih a si. SAC ralkap hna cu AhtatLatMon khua pawng ah umhmun an khuar caah kahdohnak faak a chuak kho ṭhan, tiah CDF-Kanpetlet nih an thanh. Cre-TCP