Trump hi a uar mi tampi an um ve bantuk in a dohtu tampi an rak um ve, Trump dohtu pawl hna hi mirum le milar an tam tuk caah Trump caah cawlhcang zong a har ngai tawn. Atu cu thil sining a fiang cang lai caah Democrat pawl an nih nuam tuk i, Trump ttanhtu pawl an lungreithei bak ve. Kum 40 chung ah US President a rak tuan cang mi lakah
former President Donald Trump lawng hi Tax Returns ah House of Representatives committee hmai ah a langter duh lo mi a si.
US District Judge Trevor McFadden nih Donald Trump nih House Ways and Means Committee pawl nih Tax Returns an hal mi
a pe duh lo mi cu thil dik lo a um ruangah a si tiin a phomh cang, US President a rak si cang mi hna ‘personal finances’ hi langter ding hrim ti cu phunglam ah a um lo, Richard Nixon hnuah US President a rak si cang mi dihlak nih tangka an ngei mi cu an langter tawn, Trump lawng hi a langter duh lo mi cu a si caah atu hi thil sining a linsa ngai.
House Democrats pawl nih Trump’s tax returns thei an duhnak ruang bik cu President a si lio ah tangka ahmuh
mi le a hmang mi a kei mawh ti audit an duh caah a si, Jan 6 Capitol Hill Riots Committee nih
Trump an dawi pengnakah, Former US President Donald Trump’s fapa upa bik le, Fox News anchors tampi nih, White House chief of staff Mark Meadows sin ah MAGA Supporter pawl nih Capitol Hills ah an duh duh in thil an tuah mi daiter ding in text message an kuat mi le
9,000 documents hna cu an langter Committee nih an langter. Trump Jr le Fox News hosts Sean Hannity & Laura Ingram zong nih
Mark Medows hi ca an kuat. Thil zeimawh a um sual ahcun Mark Medows hi committee hmaiah witness pahnihnak ding caah a dir men lai tiah zum a si
Washington, DC city government nih January 6 Capitol Hill Riots ah a tel mi Trump fans hna, Proud Boys & Oath Keepers pawl hna cu taza a cuai hna i “District of Colombia ah buainak ser a tim mi tiin Court ah taza a cuai mi hna hi a si. Cre-RTK
Kawlram thawngpang…Sagaing ramthen, Myaung (မြောင်) peng December 14 ni ah ralhrang phu chungtel minung 2 cu an nun bu in tlaih an si tiah
Myaung (မြောင်) PDF nih an chim. Ralhrang phu chungtel Tat-kyat-gyi pakhat le tat-kyat pakhat an nun bu in tlaih an si,
tlaih a tongmi ralhrang chungtel minung 2 cu mi zapi nih kan thah hna lai tiin an ra cio tiah Myaung (မြောင်) PDF he neihniam in ummi pakhat nih a chim. Atu ah ralhrang tlaih in hren an sinak hmunhma ah khuachung mi hna nih kan thah lai tiah khuachung zapi ngawt in an rak chuak cio, a chuakmi cu an tam taktak a thong cu an tling kho men” tiah a chim chap.
Myaung (မြောင်) pengchung ah Sagaing-Monywa motor lampi ah a kalmi ralhrang motor 3 cu December 14 ah bomb
lung 8 he doh an ton caah ralhrang minung 20 nak tlawmlo an thi tiah mi zapi vengtu PAFD nih cathanh an chuah. Sagaing chaklei Kani peng Chindwin tiva ah ralhrang hriamtlai phu hna nih zulhmi tilawng cu Kani mi zapi vengtu phu nih bomb puahhnawh in an doh hna caah ralhrang minung 10 an thi tiah cathanh an chuah. Cre-TCP