Uknak Laak Hnu In Pumtlamtling Lo Ngakchia 382 An Thi Cang I Ngakchia 1400 Thong An Tla! : SAC nih uknak an laak hnu in Myanmar ram ah pumtlamtling lo in a thi mi ngakchia 382 an um cang i, ngakchia 1400 tluk thong an tla, tiah UN ah nuhrin covo lei tuanvo ngeitu Tom Andrews nih June 29 ah a chim. Rulh awk ṭha lo tiang in harnak a tuartu mino hna he zong i hmuhtonnak kan ngei,
tiah Switzerland ram Geneva ah tuah mi UN Human Right Council meeting ah Myanmar ram
boruak he pehtlai in a chim. Uknak laak hnu ah SAC ralkap nih zaangfahnak ngei lo in ngakchia an
tlaih hna i, thah an si nak kong ah SAC lutlaitu hna cu ṭuanvo an ngei, tiah Tom Andrews nih cun a langhter. Ngakchia hna cu an tukvelh hna i, a phunphun in an hrem hna. Cheukhat cu kuakci in a tak ah an nawn chih hna i, an kutke, an ha le an tin zong an phawi hna. Cupinah nu ngakchia hna cu tlaihhrem an tong tiah a langhter. Cu bantuk tharum thawhnak pinah, raikhamsii i chunh lo ruangah ngakchia 33,000 cu an nunnak ca ah thinphang ngai a si i, ngakchia sang 5 fai cu emargency in bawmh an herh,
tiah a chim fawn. UN Special Rapporteur Tom Andrews nih a chimmi cu NUG cozah zong nih
a cohlan i, Myanmar ngakchia hna bawmhchanhnak pe cio ding in nawlpatnak zong an tuah. Cre-TCP
=Mandalay Ah Ramkhellei Case A Tawlrel Piaktu Sihni(Lawyer) 3 Tlaih An Si: SAC ralkap uk duhlonak langhter ruangah tlaih a tong mi hna case a tawlrel piaktu Mandalay sihni(lawyer) 3 cu June 29 ah khan tlaih an si, tiah biaceihtu he aa naihniam mi hna nih July 1 ah RFA ah an chim. June 29 zaanlei sang ah Mandalay Oobu(အိုးဘို) thonginn biaceih zung ah case tawlrel dih in a ṭin mi sihni U Thin Win Aung(ဉီးတင်ဝင်းအောင်), sihni U Thutah(ဉီးသုတ) le sihni dang pakhat cu an kir lei ah tlaih an si tiah theih a si.
“Tlaih a tong mi hna cu minung 3 an si i pakhat cu a min theih a si rih lo.
Mandalay ah hin rambuai hnu in sihni 3 tlaih an rak tong bal cang tiah an chim.
Tlaih a tong mi hna cu pehtlaih khawh an si lo i khoika an chiah hna zong theih a si lo. June 27 ah Mandalay ramṭhen Cheif Minister Dr. Zaw Myint Maung le sihni Daw Yaut Noe Aung cu tlaih an si i phungrelnak No. 50(J) in taza cuai an si. RFA nih data a laak ning ah uknak laak hnu kumkhat leng chung ah ramkhel ruang i taza cuai a tong mi hna case a
tawlrel piaktu sihni tlaih a tong mi cu minung 27 an si cang, tiah theih a si.
==Ayarwady Ramṭhen KyanKhin Peng Kahdohnak Ah SAC Ralkap 12 An Thi!:
Ayarwady ramṭhen KyanKhin(ကြံခင်) peng Hminwatawng (မျှင်ဝါးတောင်) khuakomh ah tualchung hriamtlai phu le SAC ralkap hna cu July 1, chunhnu ah an i kap i, cu kahdohnak ah cun SAC ralkap 12 an thi, tiah tiah a si. SAC ralkap nih Rakhine Yoemah camp cu minung thazaang 60 leng in an kah hna. Hriamnam thazaang an i thlau tuk caah cu camp cu chuahtak a si nain SAC ralkap lei 12 an thi tiah theih a si. Kaphnih kahdohnak ah tualchung hriamtlai phu lei
hliamhma tuar um lo in hnu an tolh kho nain, camp ah hriamthil zeimawzat an kaltak, tiah theih a si.
Magwe ramṭhen Gangaw ah rallam sialtu SAC ralkap hna cu AungMyin(အောင်မြင်) khua le Gangaw nitlak lei ah PDF nih nihin July 1, zinglei suimilam 8:15 ah rak bawh in an kah hna, tiah PDF-Gangaw (chaklei) nih an thanh. Minung thazaang 60 hrawng he Gangaw khuachung in rallam a sialtu SAC ralkap hna cu We Love hleidonh nitlak lei ah PDF-Gangaw (chaklei) le KKG battalion 6 phufonh nih an kah hna. Cu kahdohnak ah cun SAC ralkap 2 hliam an pu tiah theih a si. Cre-TCP