A poi bak ko, Pathian caah tiin zum lotu sin ah Pathian thawngtha chim ding in an kal, US mi an si i, kan tlaih hna lai i, an chungkhar maw, US cozah nih maw tangka tampi in a nun a khamh hna lai ti ruahchannak an ngei caah an tlaih hna.
Mah missionaries hna him tein chuah nan duh ahcun tangka kan duh ning bantuk in nan kan pek lai tiah misual pawl nih an ti.
Tangka kan hmuh lo ahcun thah an si lai tiah thawngthannak an tuah cang. Cred-Foxnews.
Mah thawngpang ah thil sining kongah relchap…Trump president a si lio ah zeitluk in dah Khrifa pawl a dirpi ning ti kan thei dih cang ko kha. Natein a tu cu thil zeipoah a thleng dih cang. US missionaries rian tuantu tampi cu tlaih an si i, an nunnak caah a him ti lo tiah report nih a langter.
Zei bantuk in president Joe Biden nih rian a tuan lai ti zoh si cang. Haitian official pawl nih The Associated Press sin ah an chim ning ahcun, 400 Mawozo Gang pawl nih a luancia zarh,
Zarhte ni ah US Christian Missionaries 17 an tlaih/kidnapped mi khamh ding ahcun a har tuk cang tiin an langter.
October 16 ah US Christian Missionaries minung 17 tlaih an si hnuah Hiatian Officials min langter lo mi le Christian Aid Ministries hna cu an nih chawn, natein mah an tlaih mi/Missionaries pawl luatnak ding caah lam aa har ngai tiin an chim.
Minung pakhat ah US 1 millions an hal hna. Mah hnu lawng ah an tlaih mi Missionaries pawl hna hi chuah an si lai tiah an chim.
Natein minung pakhat ah $1 Millions misual kut ah pek ding mi cu a har tuk mi thil a si tiah zum a si. A ruang cu $1 millions an pek hna ahcun,
midang zong kha an tlaih than lai i, tangka demand an tuah than lai ti kha a fiang ko cang caah 400 Mawozo Gang pawl nih Missionaries an an tlaih mi lakah 16 hna hi Americans an si i, 1 cu Canadians a si, mah lawng si loin, ngakchia tlaih mi zong an ngei i,
US cozah nih thil sining hlethlainak tuah ding in Hiati khualipi Port-au-Prince lei ah FBI agents & Department of State diplomats an kuat cang hna.
Haiti Justice Minister Liszt Quitel nih the Wall Street Journal newspaper sin ah a chim ning ahcun FBI & Haitian police le Kidnapper 400 Mawozo Gangte hna cu an nih chawn cang tiin a chim. Natein Missionaries pawl hi zeitin khamh an si lai ti kong zeihman an ceih ti lo ti thei a si tiin a langter. Cre-RTK
Be the first to comment on "A poi tuk ee!! US Missionaries 16 an tlaih mi hna cu kan thah cang hna lai tiah an chim, Aruang"