A poi tuk ee!! USA mipi an lungput hi cu a mak tuk hrinhrang ko ee. Thih kan duh cang ti bantuk in an tuah cang ko

USA hi ram ropui le ram thawngtuk mi a si. American mipi hna hi miphun ngan le miphun fim ti mi an si, natein mah bantuk in tih nung lio ah  inn ah i erh huam ti loin an duh poah in leng chuak i um an duh mi hi cu an hrut tuk ruangah maw si? Inn ah i erh peng cu a ho hmang nih an duh lai lo, natein ram, chungkhar, mipi himnak caah duh zawng duh lo zawng ah i erh kha i vennak tha bik a si caah. Tu tiang sii a um lo i, i vennak lam a um lo caah inn ah i erh ding in WHO zong si seh, USA hruaitu pawl zong nih mipi sin ah an nawl lengmang mi a si

Pennsylvania lei ah statewide lockdown cu mipi nih an ning tuk caah mipi hna cu lengah chuak in, buainak an tuah.  Democratic Governor Tom Wolf lockdown cu pezul ti loin an nawlh. Meithal, pro-Trump banners, American flag he Capitol building, Harrisburg ah mipi tampi cu an chuak. A cheu nih  lampi ah Haircut an ngei

Pennsylvania secretary of health, Dr. Rachel Levine cu a rian in ngawl ding in an ti. Dr Fauci “Nazi’ he an tachun, ” Fire Fauci, Trump Rambo’ tiin an au thluamah ko. Vawlei cung ram ah a thi tambik le a zawt tambik ram an si. Mah bantuk in an dirhmun a si ko bu in inn ah i erh huam ti lo in lengah chuak in an duh poah in meithal he an um mi hi Coronavirus  an ttih lo ruangah maw si hnga? Ka thih zawng ah pawilo, ka thi cang ko lai tiah an duh ruangah maw si. Source- Thestraitstimes

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor