A poi tuk hoi cang, Russa duh ning tlam a tling hoi cang

Saupi ka vun tial lai, fiang cik cek in, mi tampi nih cun Side A lawng kan thei tawn i, Side B lei kan thei ti lo caah kan thil theimi kha a balance tawn lo caah bia hi kan chim sual tawn. Mah Chinpage ah hin cun News pawl hna hi Balance tein ka tial tawn caah, International thawngpang balance tein thei kho na duh ahcun mah Chinpage hi like le follow vun tuah law, nifatin international thawngpang nan rel kho peng lai.

Russia nih Ukraine a tuk ruangah Western pawl nih Russia cu ceihlak in sanction (dantatnak) an tuah

hnuah Rubble (Russia tangka) value (Sunglawining) cu 50% ah a tum man, Pound khat sunglawi ning

kha 130 Ruble (Ruble kha Russia tangka a si ti kha philh lo ding) a si i, Dollar value kha 120 Ruble ah a kai man. Caan tlawmpal a vun kal i, Russia Reserve Currency cu tawn kho lo bak in (freeze) in an tuah piak than hna. Russia caah thawngpang chia tak tak a si. Mah bantuk in Russia cungah Western pawl nih thil an tuah caah Putin nih  National Security Council Meeting a au cawlh i, mah ka hin Army lei ah hotu

le intelligence lei ah mifim pawl hna le economists pawl hna cu Economic Crisis hlei ah Ruble (Russia tangka)

sunglawi ning cu a thum lengmang khawh ti kha fiang tein an thei caah zeitin dah mah bantuk

dirhmun kan tawn lonak ding caah lam kan kawl lai tiin meeting an tuah. Mah meeting ah hin Russia Central bank Governor le Deputy Governor zong an nih tel ve. Western pawl nih Russia sanction an tuah ning a fak tuk caah mah meeting a rak kai mi pawl nih hin Western pawl nih Russia oil le Gas an cawk tikah Payment dang in tuah than a hauh ti an thei i, Russia oil le Gas hna cu Dollar le Euro hmangah

payment an tuah tawn mi cu Russia tangka bak in (Ruble) payment nan tuah cang lai tiah

biakhiahnak an tuah, mah meeting ah an ceihmi min caah  “New Ruble Payment System/Mechanism/Scheme” an sak.

Mah payment mechanism hi Russia ram hawikom a si lomi nih cun hmang cawlh ding tiah biakhianak an tuah chi. March ni 31 ah mah meeting an tuahnak ah biakhianak an tuahmi order hi President nih min thutnak a tuah cawlh. Mah bantuk in Russia nih Order a chuah mi hi European Union pawl nih ceihlak in an soisel i, heh tiah an zai ve, natein Western ram pawl hna hi Russia oil le Gas ah a hngatchan mi an si fawn tikah ceilak in an buai ve.

Russia Oil le Gas cu cawk lo khawh lo dirhmun an phan cang tikah, Western ram chungah company

a ngan mi pawl state nih approved a tuahmi hna nih Russia tangka (Ruble) bak in Payment an

tuah duh caah, Russia Central Bank-ah account an tuah thluamah ve, Mah bantuk in Russia nih order thar a chuah ruangah European Union tam tampi cu an ruahning le an hmuh ning a khat kho ti lo. Mah ‘New Ruble Payment Mechanism’ nih Russia currency cu dirhmun tha ah a vun dirte than i, Ukraine an tuk hram thawk hrawng ah an tangka sunglawi ning a tlah tukmi  cu atu 50% in a kai than cang tiin International Energy Agency nih a chim.

Cucaah “Ruble named world’s best/top performing Currency/ top performing to dollar” tiin bussiness expert pawl nih an chim cang.

Russia Current Account a tlawm tukmi zong a vun tam than lengamng cang i, Kum 2021 ah Russia nih

current account surplus $27.5 billion a ngei mi cu tu kum 2022, thlali chungin Current Account Surplus $95.8 billion a nei man cang. Kum 2021 an surplus ngeimi letthum surplus an ngei cang tinak a si. European Commission nih Moscow sanction phunglam buar loin European Union ram pawl nih an ngei mi company hmangin Russia oil, gas le electric lak an siang than hnuah Commission hi pressure an peh

than i, guideline an rak ngei cang mi cu upgrade an tuah than i Euro le Dollar hmangah

payment Russia nih a siang than ahcun, oil, gas le electric cu Russia ram in thatein lak than

a si lai tiah an chim than. Mah bantuk in European Union pawl nih upgrade an tuah thanmi

hi Russia nih zeitin dah a let lai tiah zoh a si lio. A hlan ning tein an rak kalpi ning phunglam ning tein Russia ram in European Union pawl nih Gas le Oil cu lak than ding in tim tuahnak an ngei lio a si. Russia nih West-pawl Sanction hi phung dang dang in a tuar, Natein Russia nih phunglam thar a vun serhmi

New Ruble Payment System hmangin Russia tangka value cu a tam chin lengmang than. Mah lawng si lo in,

ramchung ah ei le ding developed nak ding caah Grain le wheat llei ah an kum that a si fawn tikah,

Russia nih Ukraine a tuk mi hi Russia caah cun caan tha bik a si tia mi tampi nih an zum. Expert pawl nih an chimmi pakhat cu “Russia nih hin Ukraine a tukmi hi a kalpi peng i, World economic War a chuahpi i, Russia ram dirhmun tha a phan khawhnak ding caah caan tha a kawl peng”tiah an chim mi hi a dik kho mi a si tiah mi tampi nih an chim cang. Cre-RTK