A rian a tei lo tuk caah Trump nih Joe Biden thlariat chungah a rian tuan ning vialte a phuan piak dih

Former President Trump cu, President a tuan ti lo hnu zongah President Joe Biden nak in a lar deuh ko. A bia chim mi cu Media nih heh tiah an ceih peng ko. President a si ti lo mi, amah Trump bantuk in a lar mi an um lo ti fiangte in a langter chin lengmang ko.

Former President Trump nih, nithum ni ah khan, America mipi nih President Joe Biden thlariat rian a rak tuan

cang mi ah  harnak fakpi an tawn  tiin a chim. Nan ka ngai maw tiin bia a hal hna. (Do You Miss me yet)  tiin.

Joe Biden bia chim mi le a thil tuah mi a khat lo, Joe Biden nih President ka si ahcun thlathum hnuah covid cu kan tei hrim lai tiin a rak chim natein, US cu covid ruangah a buai peng i, nihin tiang kan buai peng. Kan zual chin lengmang ko. Covid vaccine le a her mi vialte kan rak tuah dih cang.

Joe Biden tangah zeihman tuah ding mi an ngei ti lo, kan rak buaipi cia mi le tuah cia mi kha thatein kalpi ding lawng an rian a si.

Natein nihin tiang zeihman thil tha an tuah khawh mi a um lo, Nihin tiang Covid an tei khawh lo

Afghanistan ah ceilak in US cu mualpho, ningzak in kan sungh cik cek. Southern border kongah chim cawk lo buainak fakpi kan tawn. Gas man a fak ning cu celh ding si lo, energy ah harnak a tawn bal lo mi US nih Joe Biden tangah fakpi in harnak kan tawn,  Joe Biden president a tuan hnuah US nih thil tha zeihman

US nih a hmuh mi chim ding mi an ngei lo. Joe Biden nih hin zei thil dah a tuah tawn tiin bia halnak a tuah” Cre-RTK

Kawlram Thawngpang dang…SAC Ralhrangbu Hna Nih Taungngu, Nyaungkain Khua Titseh Riantuantu Hna Cu Luhhnawh In An Tlaih Hna.

Taungngu khuapi, University lampawng, Nyaungkain khuachung i titseh riantuantu hna cu SAC ralhrangbu hna nih nizan Oct,13 zaan ah luhhnawh in an tlaih hna theih asi. Nizan zaan sml10:00 lengah Nyaungkain khuachung ah SAC ralhrangbu hna cu motor 7 bak in an rak phan i,

Daw Ngiu inn i titseh riantuantu hna cu thing pawl an fimtawl lioah SAC ralhrangbu hna nih meithal puah in an luhhnawh i an tlaih hna.

Daw Ngiu cu titseh ngeitu asi i, hlanlio pi in an mah ralhrangbu hna cu tangka pekin theihthiamnak in rian an tuan i,

atu zong tangka pek lo ahcun tlaihmi hna hi kan thlah hna lai lo ti asi ko lai tiah khuami pakhat nih a chim. SAC ralhrangbu nih an tlaihmi titseh riantuantu minung 11 hna cu nihin Oct,14 ah an thlah than cang hna tiah khuami sin in theih asi.

Adang… Pyu-Saw- Htee pawl cu meithal (thalpak) 25 he YDF (Htilin) sinah an fon i mizapi he ralhrang kan do tti lai tiah biakamnak an ser.

Maggway ramtthen, Htilin peng Zeedaw khua ummi Pyusawhtee pawl cu kutser thalpak (24) le Tthingttan khua in Meithal zuunkhat an dihlak zuun 25 hna cu YDF (Htilin) sinah lungthiang tein an i ap i kanmah zong mizapi he dirti in ralhrang kan doh lai tiah biakamnak an tuah tiah YDF (Htilin) nih a thanh.

October,10 lio zongah Hi hna phu sin in thalpak 20 cu YDF (Htilin) nih an rak laak i a dihlak zuun 45 ( tutan he telh in) hna hi a hlan ah

Htilin palek pawl nih YDF (Htilin) an rak chuhmi hna si tiah theih asi. October, 7 lio ah Htilin- Wazinchain lamcung ah a ummi ralhrang palek pawl cu YDF (Htilin) nih an rak kah hna i Palek bawi pakhat telh in 4 hliamhma faakpi an rak tuar. Ref: Taungzalat News