AA pawl an raltha khohning hi cu amak!!! Palik pawl an tuk hoi cang, palik 4 an thi i, 6 an tlaih hna; Aruang cu

Coronavirus ruangah ah vawlei cung ramkip muinak khur ah kan um lio ah le mi tampi inn ah i erh in kan um lio ah Pasal le raltha AA pawl nih cun zeihman tihnak ngei lo in an ral bik a si mi kawl cozah cungah thil poituk mi an ttuah tthan hoi cang

Rakhine State, Yathih Taung township chungaa Thazin Myaing police station cu zahan  ah Arakan Army (AA) pawl nih an luhhnaw i, fakpi in meithal in an kah. Palik lei 4 an thi, AA pawl nih hin palik 6 le hngakchia pakhat le an chungkhar minung 3 he an tlaih hna i, an umnak ah an kalpi hna tiah ralkap lei in thawngchimtu nih a chim tiah source nih a ttial

Thil sining cu, Thaizin Myaing Palik station hmunpi hi May 29 Zinglei suimilam 2:00 hrawngah AA pawl minung 100 leng nih thlanglei in meithal he fakpi in an kah ciamam i, palik zong nih meithal he fakpi in an kap tthan ve hna. Kawl ralkap nih tlangcungmi hna cu daihnak/remnak thlathum chung a tuah piak hna, natein AA pawl cu terrorist nan si a ti caah a tuahpi duh hna lo.

Mahkongah tlangcungmi pawl nih kawlralkap sin ah AA pawl he daihnak serding in lam kawl ve ding in an ti, natein kawl ralkap nih tu tiang AA pawl cu remnak./daihnak a serpiak duh lo caah mah bantuk in AA pawl nih kawl ralkap cungah an tuah mi a si lai tiah mi tampi nih an zum

5:00 am hrawngah palik lei minung an tlawmtuk caah palik dang cu Kakin palik station ah an a rangkhawh chungin an va tlih i a cheu cu an tlau. Mah i kahnak ah hin pakik 4 an thi i, palik minung 6 cu AA ralkap pawl nih an tlaih hna tiah source nih a ttial. Credit: Eleven Media, BBC, 29.5.2020.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "AA pawl an raltha khohning hi cu amak!!! Palik pawl an tuk hoi cang, palik 4 an thi i, 6 an tlaih hna; Aruang cu"

Leave a comment

Your email address will not be published.


*