Afghan minung, Joe Biden nih US ramchungah a hruailut mi lakah, Misual an si kho tiin zumpa mi cazing an langter

Former President Donald Trump nih exclusive interview, Fox News Digital ah a ngeihnak ah a chim mi cu, US nih Afghanistan khualipi Kabul ah Afghan mi tam cu US ram chungah a hruai lut hna,  Mah vialte minung lakah hin mi tha tampi an um lai, natein US caah ral a si mi, tih nung a si mi, US hrawh a duh mi tampi an um ve lai  tiin a zum ning a chim.

Raltuk nak ahcun, teitu le sunghtu ti an um kho lo. Draw ti bantuk zong a um kho lo, Idohnak hi a dawng kho lo ding mi a si.

Idohnak ruangah mi tampi an rak thi cang. Tangka tampi, billions of dollar hmang a rak si. Joe  Biden nih August thla chungah Hamid Karzai International Airport,

Kabul hmun in, Afghan mi tampi US ram chungah a hruai lut hna caah US caah a him lo mi le tih nung mi tuah a duh mi tampi an um ve kho tiin a chim chap. Biden administration nih Special Immigrant Visas (SIVs) hmang in US ram chungah a hruai lut peng, Natein former Trump nih a chim ning ahcun mah bantuk in Afghanistan mi,

US ram chungah Joe Biden nih a hruai mi lakah mi tha lo tampi an um lai ti achim i Afghanistan mi,

US ram chungah hruai lut mi hna kha zeibantuk minung an si ti tha tein zohfel nak an tuah lo caah a si tiin a chim

Afghan mi tampi US ram chungah an rah i, Terrorist zong ah um kho men tiin a chim cu caah US caah tih nung ngai mi a si kho tiin a chim. The White House nih a chim than ning ahcun, Intelligence and Counterterrorism official hmangin, Afghan mi hna hi thatein zei bantuk minung an si tiin an zoh dih hna tiin a chim.

Natein atu hi minung 50-100 cu thatein an zoh than hna i, zum lonak an ngei hna tiin an langter.

Trump nih a chim than mi cu, Afghan mi tampi ram dangah hruailut an si ve, natein Afghan mi a ho hman ramdang ah um an duh lo,

an dihlak in US ah rah than an duh, An va kalnak ram zong nih saupi a zohkhen duh hna lai lo i, cun mah pawl hna caah tangka tampi liam a si hoi lai. Atu cu buainak longte si cang, buainak  hi a dong kho ti lai lo tiin a chim. Cred-RTK

Kawlram thawngpang….Ayarwady bank phaisa phortu motor cungah ting 40000 (4billion),a ramh tu hna cu kan tlaih cang tiah ralhrang phu nih an langhter hnu ah,

cu thil a cangmi a tuahtu hna cu khuami PDF phu an si tiah sual an puh hna. Hi ramh nak cu Pago PDF phu, peng riantlaitu Ko Myo Ko nih a tawlrel mi a si.

A tu lio ah CDM bank riantuan minung pakhat le phungki minung pahnih tel in minung 7 cu tlaih in, checkhlatnak kan tuah hna tiah nawlngeihnak la tu ralhrang phu nih sualpuh nak cathanh a chuah.

Yangon-Pago motor lampi cung September 13, ni ah motor PK le palik phu bantuk lemcang mi hna nih ramh in phaisa an chuh hna hi a si,

cu thil a can nak hmunhma hi Inkataw ralhrang hmunhma he a neih leng ah, minung a chawk let mi an tlawm lo nak hmun zong a si caah ralhrang nih tha ten timhtuah nak ngei in hmanthak diklo an tuah mi a si lai tiah Pago PDF phu nih an chim. Cred- The Irrawaddy