Afghan nu pawl an bia chim mi cu zaangfah an si tuk hrinhrang ko

The gates of hell an ti cang ko, Kabul Airport ah Afghan nu pawl nih US ralkap pawl zaangfah an hal hna i, an mithli he an um cang ko. “Taliban pawl an rah lio, mah hell hmun in kan khamh hram ko u tiin US ralkap pawl sin ah heh tiah an nawl hna

Taliban pawl nih Airport leng lei cu an kut ah an chia dih cang. Nu pawl hna cu, Airport an kulhnak a kua in an kut an sawh i,

US ralkap pawl sin ah heh tiah zaangfah an nawl hna. Taliban pawl kut tangah kan um kho lai lo, hell a si ko. kan khamh hram ko u tiin.

Kabul Airport north gate pawngah meithal an kah mi thawng thei ding a um peng. Afghan Translator le Visa holders tampi cu airport pawng ah an i thup peng. Britain nih nikhat ah minung 1000 leng phort an nih tim tiin General Sir Nick Carter, head of the UK armed forces nih BBC Radio 4 sin ah a chim. UK nih nikhat ah vanlawng voih 7 zuangter an i tim.

Prime Minister Boris Johnson Afghan refugee pawl hna bawmh ding in lam a kawl cuamah lio a si. Airport leng ah meithal thawng thei ding a um peng.

A thi mi an um peng tiah thei a si. Taliban pawl nih mipi control nak ding caah Whips an hmang peng ti report nih a langter. US nih Afghan allies pawl 80,000 special immigrant visas pek ding in lam an kawl cuamah lio a si. Cred-RTK

Kawlram thawngpang.. Tayat ralkap hriam an sernak sehzung in ralhrang minung 15 cu an hriam he an zaam Tayat (သရက်) khua runvennak thil sehzung (no.12) in ralhrang minung 15 nak tlawm lo cu an hriam thilri hna he August 17,zaan ah an tli tiah sehzung he pehtlaihnak a ngei mi thawngzamhnak nih an langhter.

“Hriam an i ken dih tik ah an dihlak in minung 15 ning in maw hriamtling ten an i ken, a cheu lawng dah an in ken cu ti fiang in theih a si lo,

15 ning in an zaam cu thawngdik a si ko” tiah cu thawngzamhnak nih cun a langhter. Mandalay ramthen chungah ralhrang uk duh lo mi hna cu

hremnak tuah ding ah kah-pah-sah 12 in ralhrang bawmtu hna ding ah minung 30 pek ding ca a chuah hnu ah, atu bantukin an zaam hi a si tiah an langhter.

Ralhrang chung in a zaam mi hna thawngpang he pehtlai in nawlngeihnak latu ralhrang phu hna nih cathanh chuah mi a um lo.

kah-pah-sah 12 cu Tayat(သရက်) khua he meng 9 a hlat nak hmun ah a um i,Sakhangyi khua, Padawkpin (ပိတောက်ပင်) khua chaklei mengthum hlatnak ah a um.120 mm ၊ 60 mm ၊ 105 mm ၊ 81 mm kuan tuahnak hmun a si. Khua vengtu PDF phu hna he kahdohnak ah ralhrang phu lei in a thi mi an tam nak hmun Sagaing ramthen,

Mandalay ramthen le Chin ramkulh hna ah nawlngeihnak la tu ralhrang phu hna nih minung thazaang tampi cu atu le tu an thlah hna tiah theih a si.

A luancia mi May thla dih lei zong ah cu ka hriamsernak hmun kah-pah-sah (no .12) sehzung in ralhrang phu lei minung 5 an zaam i, cu a zaam mi chung in minung pahnih cu tlaih than an si tiah thawng theih a si. Source- Mizzima (TCP)