Afghanistant cozah thar cu Joe Biden mualpho nak hmangthlak bak si ko

Afghanistan thil cang mi cu President Biden caah tuanbia chia bik mi si cang lai, US mipi nih an philh kho ti lo ding mi tuan bia pakhat a si ve cang lai. US mipi nih Withdrawal kha an duh lo si loin Joe Biden nih Withdrawal a kalpi ning kha an duh lo mi cu a si, a hlei in US ralkap 13 an thi chap caah US mipi nih foreign policy ah Biden cu an zum lo tuk cang i,

atu polls rating thar bik ah 45 hrawng ah a tla cang. Taliban pawl nih Afghanistan cozah hotu pawl hna, Caretaker Government a ser mi cu President Biden nih a cohlan lai lo tiin

White House press secretary nih a chim. Taliban cozah thar hruaitu ah FBI wanted list (US cozah nih misual min list ah an chia mi)

Sirajuddin Haqqani, $10 million & Guantanamo bay thawnginn ah a rak chia chang mi minung 4 cu Minister ah tel an si lai. Biden’s spokeswoman Jen Psaki nih a chim chap ning ahcun, “Afghan Taliban cozah thar hi vawlei cung nih an zoh peng mi a si, United States zong nih an si ning le an thil tuah ning thatein kan zoh peng hna.

Americans le ramdang mi, Kabul ah a um mi hna lakchuah ding in an siang lai maw? humanitarian assistance lut an siang lai maw?

Nupawl thatein an kilven hna lai maw?  Guantanamo Bay prisoners 4 hna hi Afghanistan cozah thar hruaitu ah an tel ve cang caah vawlei cung ramkip nih

zeidah US nih a tuah lai ti an zoh ko. Mah 4 hna hi kum 2014 ah American ralkap Taliban pawl nih an rak tlaih mi Bowe Bergdahl he i thlengnak caah an rak hmang mi hna kha an si. US nih Afghan cozah a cohlan duh lo ahcun atu US citizen, Afghan ram chungah um mi pawl cungah zeidah a tlung lai ti cu mi tampi nih an zoh peng mi a si. A buai chin lengmang ko lai hi. Cred-RTK

Kawlram thawngpang… Kyaukthu peng PDF cu September 9 zing lei tuan deuh ah an i kah hnu in chun hrawng ah Kyaukthu PDF phu hna nih ralhrang hna cu an kah hna i

a thi mi minung 15 -20 hrawng an si i a hliam mi an tam i an mawtaw pakhat zong bomb in puah a si tiah Kyaukthu PDF nih a thanh.

Mipi hna zong nih Kyaukthu PDF phu hna he a pehtlai mi thawngpang hna cu kaphih in ruah lo piin bomh kan herh nak a um tik zong ah nan kan bawmh khawh mi tete a si ahcun nan kan bawmhnak lai kan in nawl hna. Rallokap hna an cawlcangh ning cu a caan kel tein page cb ah siseh ေက်ာက္ထုသတင္းမွန္ cb ah siseh thawng na kan pek nak lai kan in nawl hna.

Zarh fatin, thla fatin in pekchanhnak lei zong ah a lamkip in nan kan bawmhnak lai bawmh kan in hal ko hna tiah Kyaukthu thawngpangthanh chintu committee nih an thanh.TCP

Relchap:Gangaw Peng Thar Lin(သာလင္း) Khua Ralhrang Nih Lut In Mei An Khangh Magwe ramthen Gangaw peng Thar Lin khua cu September 9 tuzing ah ralhrang nih lut in mei in an khangh tiah theih a si. Thar Lin khua cu tuzing ah ralhrang tam pi cu ra i mipi inn hna cu meikhangh in an hrawh tiah khuami hna nih an chim.

Ralhrang hna cu Phungki inn ah umhmun an khuar, meithal an puah an kah i khuami hna cu rak kan rem uh tiah an auh hna nain khuami hna cu a himnak hmun ah an zaam dih.

Ralhrang hna cu Gangaw peng chung khuate hna ah atu le atu an lut i inn le thilri an hrawh i phaisa zong an lak, mipi hna cu meithal in an kah, an hrem hna caah a thi mi le hliam mi zong an um tiah DVB nih a tial.