Pathian thluachuah ti hi zeitindah na hmuh ning hi, Pathian thluachuah bikmi na fiang kho nak ding caah vun rel ve law, Pathian sin ah lunglawmbia chim philh ti hla. Pathian thluachuah cu mah hlei ah a dang a um kho ti hna maw? Zan ah mitku thawngaiin kan it, zin ah thatein kan tho, thatein kan zun kan zun kho, thatein kan ek kan ek kho. Tha tein le thawtein rawl kan ei kho.
Thatein ti kan din kho. Unau thatein ruat hman, mah hlei ah Pathian thluachuah sunglawi bik
vawlei ah a um ti hnga maw? Zeitluk in dah na rum, zeitluk in dah tangka na ngei,
zeitluk in dah na mui a dawh, zeitluk in dah ca thiam zong , zan ah it kho lo, zing ah thatein tho kho lo, thatei zun kho lo, thatein ek kho lo, tha tein rawl ei kho lo, thatein ti ding kho lo na um ahcun na rumnak, na muidawhnak, na ca thiamna, na fimnak, tangka na ngeinak vialte kha thluachuah ah na rel kho hrim lai lo. Cucaah, zan ah thatein kan it, zing ah thatein kan tho,
rian thatein kan tuan kho. rawl thatein kan ei kho, ti tha tein kan din kho mi hna tlukin
Pathian thluachuah sunglawi bik mah vawlei ah hin a um ti lai lo. From Chinpage Editor
Kawlram thawngpang……SAC Infantry 50 nih thazang tampi in kahdohnak an tuah caah zohfelnak gate pakhat kan sung: CDF-KKG. TGangaw khua ah a ummi SAC Infantry 50 nih thazang tampi in kahdohnak an tuah caah zohfelnak gate pakhat kan sung tiah CDF-KKG nih July 3 ah a thanh. June 1 zinglei sml 6:50am hrawng in Infantry 50 nih thazang 40 hrawng in CDF-KKG battalion 6 i zohfelnak gate (shungshi le Aungmin khua karlak)
ah an rak rat hi a si tiah theih a si. Cucaah CDF-KKG battalion 6, PDF Gangaw thlanglei
phufonh he zinglei sml 7:20 am thok in sml cheu chung hrawng kahdohnak a chuak.
Thazang tampi le hriam tamtuk ruangah zohfelnak gate pakhat sungh a si ko nain Aungmin khuachung ah hmunhma a khuarmi SAC ralkap cu mipi hriamtlai phufonh nih kah kan i timh ko hna nain mipi pawl an i kham hna caah mission tuah a si ṭhan kho lo tiah a langhter. Chun sml 11:00am hrawng ah nitlak lei battalion 706 nih (Hyper UAV Drone) nih kahdoh an kan bawmh caah SAC ralkap pawl cu
Drone in bom thlak hnawh an si tiah CDF-KKG nih a thanh. Aungmin khua in SAC ralkap pawl
cu chun ah Oakphu khua lei ah an kal i CDF-KKG battalion 6, PDF Gangaw thlanglei phufonh he
Sapaebagyi ramtang lam ah chikhat kahdohnak a chuak. Chun sml 3:00pm hrawng ah Shoukpin khua in Hnankhin lei ah a kirmi SAC ralkap pawl cu Drone in kah an i si ṭhan. Nikhat chung kahdohnak ah mipi hriamtlai phufonh lei in hliamhma a tuarmi an um lo nain SAC ralkap lei in hliamhma a tuarmi an um lai tiah ruahdamh a si. SAC ralkap pawl nih mipi pakhat an tlaih i Shoukpin khuami
phone zong an chuh dih hna tiah CDF-KKG thawngthanhnak in theih a si. The Chinland Post
==Karenni Palek Nih Non-CDM Cachimtu 6 An Tlaih Mi Cu An Thlah Ṭhan Cang Hna:
Kaya(Karenni) peng ah a luancia June 24 ah khan Karenni State Police (KSP) nih Non-CDM cachimtu (sayamah) 6 cu an rak tlaih hna i, thlah ṭhan an si cang tiah KSP nih nihin July 4 ah an thanh. Karenni ramkulh No. 5 palek camp hmunhma ah Karenni State Council Committee (KSCC) nawl lo in
SAC nih an on mi sianginn i ca an chimh ruangah KSP nih an tlaih hna i chekhlatnak an rak tuah.
Karenni ramkulh chung ah sianginn on duh ahcun KSCC pehtlaih dih in anmah lei nih nawl pek hnu lawng ah on khawh a si lai, ti zong KSP nih an langhter fawn. Karenni ramkulh chung ah ngakchia hna nih fimcawnnak ṭha tein an ngeih khawh nakhnga mizapi nih tuahmi sianginn ah le private sianginn zong ah cachimtu an herh i, a si khawh chung in kan bawm cio u tiah KSP nih theihternak an tuah. Cre-TcP