Amen, Amen, Pastor kum 69, Ni 100 chung Covid-19 ruangah ICU ah um mi, Pathian he an nih tawn ning kawng a chim mi

Coronavirus ruangah a thimi kong le thawngchia lawng te ka ttial tawn, tu cu Nurse le nih Khuaruahhar tiah an au mi pa, Pastor cungah Pathian a phuan ning kong hi thazang kan lak tthannak ding caah ka vun ttial lai

Asunglawi tak tak, Coronavirus ruangah ni 100 chung bak siizung ah a um hnuah a dam tthan i, Pathian biak inn ah Pathian thawngtha a chim tthan khawh cang

Jonathan Mitchell hi kum 69 a si cang i, amah hi Ohio ah Pastor rian a ttuan lio mi a si. Amah hi Coronavirus ruangah ni 30 chung cu respirator hmang in zohkhen a si. Mah hnuah ICU ah caan saupi zohkhen a si tthan. Ni 100 hnuah a rian ttuannak Faith Fellowship Church of God in Youngstown ah zarpi ni ah Pathian thawngtha chim tthan ding in a rah than tiah WKBN nih a ttial

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor