Tu lio thil man a kai tukmi nih chungkhar tampi nih ceilak in harnak an tawn cang ko lai hi. Inflation ruangah chungkhar tampi nih kumkhat ah $5,520 an sung cang lai, March thla ah an rak chim ciami nak in a let in chungkhar nih tangka an sung dingmi hi a tam lai tiah Moody’s nih cun a langter. President Biden santlaih lo tuk caah atu hi kum 40 chungin US ram ah thil man a fak bik caan a phan i, Kum 2022-ah
American chungkhar nih a dihlak in $5,520 a sung chi lai i, mah hi thlakhat ah $460 hi a sung
dingmi cu a si tiin Moody’s analyst nih an langter. March thla ah projection an rak suaimi ah
khan cu a rak tlawm ngai. Bloomberg nih a tuah ning ahcun kum 2022-ah $5,200 chungkhar pakhat nih a cawi chap lai tiah a suai i, Mah hi thlakhat ah $433 an cawichap lai tinak a si. Moody’s Analytics senior economist Ryan Sweet nih New York Post sin ah mah ti hin a chim. A luancia kum 2021 in US ramchungah thilman 8.5% ruangah, kum 2018 le 2019-a 2.1% ah a miak he zoh ahcun, aluancia kum
bantuk in thil dang dang le service basket cawknak ding caah chungkhat tampi nih cun
thla khatah $346.67 an cawi chap lai tinak a si. Natein chungkhar dang pawl caah
inflation 8.5%-a kal khawhnak pure cost cu thla khatah $460.42 a si’, tiin a chim. Vawleicung ram ropui bikmi le thawngbikmi ram cu thil man a kai tuk caah mipi heh tiah an zai thluamah cang i, Republican pawl cu chimlo, an mah Democrat pawl lilah zong nih Joe Biden santlaihlo tuk caah heh tiah an zai ve cang i, Joe Biden president a tuan hnuah US ram chungah thil a cangmi hna hi chim dingmi atam tuk
cag, President Joe Biden nih a phising khomi a um ti lo tiin heh tiah an lungrawk ning an aupi
cang tiin Newsmax nih a tial. Atu hi US ramchungah Gas man cu Ni 13 bak in pehzul tein a kai i,
atu hi $4.98, a si tiin AAA data nih a langter. GasBuddy nih a chim ning ahcun, a tu hi Gas man hi a tlangpi in $5.00 per gallon a si cang i Trump President a rak tuan lio nak in a lethnih bak in a kai cang tiin a chim. Mah lawng si lo in thawngpang chia ngaimi a um thanmi cu, Atu nak in akai chin lai tiah zum a si i, Labor Day hlan ah $6.00 per gallon a phan lai tiah zum a si, JPMorgan commodities analyst nih an tuak ning ahcun
California ah cun Gas man hi a tlangpi in $6.00 cunglei a si cang tiin an langter.
Joe Biden president a vun tuan bak in US ram chungah Gas lei he pehtlaih in ria hna cu
a doh thluamah i, Private nih Gas lei he pehtlaih in an rian tuanmi le public ram chngah Gas an lak tawn nak le Keystone pipeline hna cu a dawngter hna caah atu bantuk in US nih Gas lei ah harnak an tawnmi cu a si ti hi mi tampi le expert pawl zum ning acu a si. Natein Treasury Secretary Janet Yellen nih Joe Biden ruangah a si ti lei kap in Joe Biden cu soisel duh loin coronavirus ruangah le Russia nih Ukraine a
tuk ruangah a si ti lei kap tu in an thiamconak ding caah chim caah mi tampi nih ceilak in an thuat i,
lih lawngte chim hla tiin heh tiah social media ah an phomh cang. Atu bantuk in US ram chungah Gas man a kaimi hna hi election hlan ah khan Trump nih a rak chim dih cang i, Joe biden nan thim i, president a tuan ahcun US ramchungah Gas man hi $7.00 per gallon a si te lai tiin arak chim cang. Trump nih a chim ning ahcun “Biden nan thim ahcun, $7, $8, $9 nan pek lai, nan zai sual maw a si ahcun, Na motor kha hmang ti lo in um cang ko an ti te hna lai” tiah a rak chim cang. Cre-Breitbart