Kha voih tampi kan tial tawn mi le kan chim peng mi kongah thil sining a lang cuamah cang ko hi, US ahhin party pahnih Republican le Democrat an um, party a hmeh mi cu an um ve ko nain US ramchungah nawlngeinak a tlaih khawh tu ding mi an si lo caah Republican le Democrat hi a biapi bik mi cu an si. Joe Biden cu kumkhat dengmang president a tuan ve cang,
atu dirhmun zoh ahcun US mipi nih an duh lo tak tak cang ti a fiang tuk cang. US ah independent majority nih
Joe Biden kumkhat chung a rian tuan ning an zoh lengmang tikah US caah President tha a si lo an ti i, Politico/Morning consult poll an tuah mi ah
Joe Biden cu president caah kan duh ti lo tiin 67% nih an duh lo ning an langter, Mah lawng si loin Ideology moderate pawl nih Joe Biden cu president caah kan duh ti lo tiin 52% nih an duh lo ning an chim. US ramchunga register voter a ngei mi 58% nih Joe Biden president a si cu US ram caah a tha lo tuk i, thil tha zeihman a tuah mi a um lo,
kumkhat hrawng rian atuan nak ah mah bantuk in US nih harnak le buainak kan tawn mi hi a tam tuk cang tiin
an Joe Biden an vote mi cu an nih ngaihchih cang. American mipi nih kan duh ti lo, kum 2024 ah President i cu ti hla seh
atu kan tuar ning hi a fak tuk cang tiin an duh lo ning heh tiah an langter cuamah cang. Mah bantuk in Joe Biden dirhmun a si lio ah, Trump cu President si than ding in an mah Republican party 70% nih an duh i, Joe Biden hi president a cuh than lo ahcun Democrat lei in President caah atu poll dirhmun ah cun, Kamala Harris 31%. Pete Buttigieg 11%. Elizabeth Warren 8%. Alexandria Ocasio-Cortez 8%. Cory Booker 5%.
Gavin Newsom 3%. Amy Klobuchar 3%. Roy Cooper 1%. Eric Adams 1%. Gina Raimondo 1%. Someone else 2%. Not sure 25%. I would not vote 3%.
Mah hi Democrat lei in kum 2024 ah president i cu than ding mi pawl lakah an zum mi hna cu a si, President hi
approval rating aniam tuk caah a tu hi Hillary Clinton zong nih thawngpang a vun ngei ve cangi, The Hill nih a tial ning ahcun Hillary Clinton hi president caah a fit tuk mi le nusal, US president ah nu hmasa bik ding in a tlak mi a si tiin Hillary clinton kong a vun tial. Cred-NewsMax
Laitlang thawngpang dang…Chin ramkulh Mindat khua le a pawnghrawng khua ah nitin ngawt in kahdohnak a chuak
than tiah CDF-Mindat nih cathanh an chuah. Nizaan December 15, chunhnu suimilam 1:30 hrawngah Maelaykung(မယ်လယ်ကုန်း) khuapawng ah
ralhrang phu hna bomb puahhnawh an ton hnu ah, hramhram nawlngeihnak la tu ralhrang phu hna le CDF-Mindat, Yaw-PDF phufonh kar kahdohnak a chuak. Cu kahdohnak ah cun ralhrang lei thi an tam tiah theih a si. Kaphnihkar kahdoh dih hnu ah Kyautthuh in ralhrang phu minung thazaang 100 hrawng cu bawmtu ding in an phan i Maelaykung (မယ်လယ်ကုန်း) khua ah umhmun an khuar tiah CDF-Mindat nih cathanh an chuah.
Ralhrang phu le mizapi vengtu ralkap phu kar kahdohnak ah CDF-Mindat le Yaw-PDF in a thimi lehliantuar an um lo tiah an chim.
December 12, zaanlei suimilam 3:00 hrawngah Gyiyua(ကျည်းရွာ) le Laesaw(လယ်ဆော) khua kar ah
kahdohnak voi khat a chuak. Minung thazaang 72 he hmunhma zohfelnak a tuahtu ralhrang phu hna cu mizapi vengtu phufonh nih a thli in an dohhna tiah theih a si. A thli in kahdoh a tongmi ralhrang phu cu fak in hliamh an si caah ralhrang phu nih
Laesaw (လယ်ဆော) khuachung ah luhhnawh in khuachung thil an hrawh hral piak hna. December 13, ni zinglei suimilam 11:00
hrawngah Laesaw (လယ်ဆော) khuapawng ah ralhrang phu le mipi vengtu ralkap phufonh kar kahdohnak a chuak than, cu kahdohnak ah cun ralhrang lei in minung 10 nak tlawmlo an thi. Cun ralhrang nih khuachung mi hna sin in an firmi thilri hna cu an lakkhawh than tiah theih a si. Source- Delta News Agency