American mipi nih Biden an zum lo ning an langter cang, Mr. President cu a mualpho bak ko

Tu lio vawlei cung thawngpang lakah a linsa ngai mi pakhat cu Afganistan Withdrawal ruangah President Biden a mualpho ning kong hi a si. Atu an buainak ah Trump kha President si seh law, zeitindah US ralkap pawl withdrawal a tuah ding kongah a tawrel lai ti cu mi tampi nih an thei duh ngai mi pakhat a si,

Aruang cu atu Afghan withdrawal kongah Joe Biden a mualpho tuk caah a si

Kum 20 chung Afghan ram chungah an rian tuan ning vialte le tangka 2 Trillion an dih mi vialte zoh ahcun, a tu an buainak hi cu US mipi caah cun lung a fak tak tak ding mi khi a si.

Aruang cu Afghan kongah hin US ralkap a thi mi an tam tuk i, cun atu hriamnam tha tha an kaltak mi, Taliban pawl kut ah a um mi vialte zoh ah hin American taxpayer pawl an lung a fak mi hi an mawh hrim lo. August 18 le 19 ah polls an tuah mi cu langter a si cang i, US mipi tam deuh, 52% nih President Joe

Biden cu US ram zohkhen ding in an zum ti lo. 46% mental le phisycal lei ah buainak fakpi angei lai tiah an zum ning an langter chap

President Joe Biden hi atu Kum 78 a si cang. Thil tampi a philh khawh mi le a taksa lei ah a thazang cu a der ngai lai ti cu a fiang ko.

Amah lawng si lo, Vice President Kamala chap cu a mualpho bak ko. Rasmussen report poll data nih a langter ning ahcun President Joe Biden nih White House hi 51% a control an zum lo. 39% nih an zum. Vice President Kamala Harris cu 55% nih Vice President caah a tlak lo tiin an hmuh ning an langter.

Rasmussen Reports poll released Thursday ah Kamala hi US president caah 47 % nih a tlak lo an ti i, 29 % nih a tlak an ti. Cred-RTK

Nizaan August 20 ah Sagaing ramthen Yinmapin, Myoma palek sakhan in hriamnam le phaisa he a zaam mi palek senthum pa chungle cu ralhrangbu nih an tlaih hna.

Ralhrangbu nih tlaih dingin hmun cheukhat cu biatak tein an hlathlai i, Zaw Min Win nu le pa pin ah a nupi le a fanu zong ralhrangbu nih an tlaih hna tiah theih a si. Ye-tat-kyat-kyi Zaw Min Win nih Myoma palek sakhan in BA-63 pakhat, kuan 120, phaisa sing 940, ralhrangbu nih an tlaih mi coin 100 leng le case file hna he CDM a luh pi tiah theih a si.

Hriamnam, sui, tangka le document pawl a tlik pi ti a si.Amah nih a tlik pi mi a si le silo cu fiang tein theih a si lo.

Amah hi an tlaih khawh lo ruangah a nu le pa, a nupi le fanu hna cu nizaan zaanlei ah ralhrangbu nih an tlaih hna. Thil a zampi mi cheukhat cu July 10 ah Mungyua-Gangaw-Kalay lam mawtaw an cheknak in an tlaihpiak mi thil hna a si tiah theih a si.Cred-TCP