American Pastor dik lo ngaiin an tlaih i thawnginn ah thla 7 an chia mi cu chuah a si cang; An tlaihnak ruang

America mipi, Pastor le a chungkhar caah cung thawngtha bak si, American pastor diklo ngaiin an puh i an tlaih mi, thawnginn ah thla 7  an chia mi cu thawngiin in a luat cang, USA ram ah a kir tthan cang. Pastor Bryan Nerren hi kum 2019 October thla ah Shelbyvillge, Tennesese in India le Nepal ah khawmpi hmang ding in a rah. Vawlei cung kip huap Pathian rian ttuantu pawl Asian Children’s Education Fellowship caah rian a ttuan mi a si i,  kum 17 chung India le Nepal-ah Sunday School saya pawl Training a pektu a si.

B a g d o g r a , Airport, Siliguri, West Bengal, India ah duty pawl nih tangka tampi a ngei caah an tlaih tiah an chim. Natein American Center for Law and Justice (ACLJ) nih an chim ning ah cun a kalnak ah a hmang ding mi, custom law nih a siang ning bantuk in tangka a keng mi a si tiah an chim.

Narren hi New Delhi ah Custom official pawl sin ah mah tangka a keng mi zat hi a chim hna i, Cun khrifah a si i, mah tangka a keng  mi hna hi khrifah pawl caah hmang a si lai maw tiah bia halnak zawng ant uah. Zeihman Delhi Airport ah buainak a ngei lo hnuah vanlawng chungah a lut.

Bagdogra Airport in zuang a tim lio ah an tlaih tthan. Mah bantuk in lih le hrokhrawl in an puhnak vialte sin in a luat caah ningani (Friday/22) ah thawnginn in chuahter a si.

Mah bantuk in India nawlngeitu pawl nih an tlaih mi hi, US Congress members, State Department, US Embassy le National Security Council pawl cu India cungah an thinhung ngai i, a rangnak in thawnginn in chuahding in an nawl. American Center for law and justice (ACLJ) member 200,000 leng nih  mah bantuk in American pastor tlaih a si mi an duhlonak langternak ding caah min thutnak an tuah.

Darren cu dik lo ngai in tlaih in thawnginn ah thla 7 tiang chia si hman seh, India ram chungah Pathian rian ttuannak a ngei mi cu ngawl a tim lo tiin a chim. Mah bantuk in thawnginn in chuah a si hnuah USA ah a zuang cawl i, a nupi le fa nih Nasville ah an rak dawng. Open Doors 2019 World Watch List ah India hi 10 na a si. Source-Makedonia

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor