Azovstal steel plant hmun in Azov Battalion Commander nih thil sining, bunker chungin an langter mi cu zaangfah an si tak tak cang, an ral a tha i, pasaltha ti cu mah bantuk hi a si, an biachimmi cu pasaltha bak an si ti a fiang ngai. Katerina Sergatskova, editor-in-chief a Zaborona Media nih a langter ning ahcun, Ni 3 chung in
civilians pawl an dihlak in lakchuak an si tiah politicians pawl nih an chim, natein kan theimi
ah mi 3 an thi i, mi 6 cu fakpi in hliamhma an hmuh tiin katerina sergatskova nih a chim
Azovstal plant chungah fighters civilians a thimi tampi an um, Mariupol cu a dihlak in Russia ralkap pawl kutah a um cang bantuk si cang , Hero tiin mipi nih kan konglam an chim, Kan thaw chung poah cu kan nih surrender lai lo, heh tiah Russia hi kan thuat ve lai, Azovstal plant chuahtak ding in caan tha tampi kan ngei ko, natein kan chuahtak duh lo,
Mariupol hi kan ven hrim ding a si tiin a chim. Azov Battalion hna hi paramilitary group & radicals
tiin Russia & West pawl nih an kan ti, Radicals kan ram a kilven tu kan si, Russia/ Orcs pawl caah
ceilak in kan thuat hna. Ahohman nih artillery or aircraft an kan pe lo, kum 8 chung kanmah te bak in information hriamnam kan khawm. Azov Regiment pawl caah damnak lam a tlawm tuk cang ti kan thei, in surrender kan nih tim bak lo tiin a chim. Cre-RTK
Kawlram thawngpang.. Kayin ramkulh, Pruso peng, Law Kyi Khu khua pawng ah SAC ralkap le
Kayin mizapi ralkap vengtu phufonh hna karlak ah May 7 zinglei ah kahdohnak voihnih a chuak i,
SAC ralkap 25 leng an thi, tiah KNDF Battalion 4 nih cathanh an chuah. Nizan May 7 zinglei Sml 8:30 ah Baw-La-Khe peng lei in a chuak mi SAC ralkap mawṭaw 20 cu Law Kyi Khu khua pawng ah KNDF nih an kahdoh hna i SAC ralkap mawtaw 4 a rawh lengah mawṭaw aa cit mi SAC ralkap dihlak minung 25 cu an thi.
Cu mawṭaw a rawk mi pawl cu meikhangh in an hrawh chap, tiah theih a si. Zinglei Sml 11:10 ah
cu kahdohnak hmunah an hawile bawm ding in a ra mi SAC ralkap hna he kahdohnak
a chuak ṭhan i SAC ralkap 10 a thi chap, a nung in 2 kan tlaih hna. Karenni ralkap lei in pakhat hliam a tuar, tiah KNDF Battalion 4 nih an thanh. SAC ralkap hna cu KA, KNDF Battalion 4 le Battalion 15 hna i bawm in an kah hna i, SAC ralkap sin in Machine Gun 1, RPG 1, MA 8 le hriamthil dangdang zong an laak, tiah theih a si.
=Tanintharyi Peng Um SAC Ralkap Sakhan Pakhat PDF Nih An Luhhnawh:
Tanintharyi ramṭhen, Tanintharyi peng um No. 4 Htung Kha Thonginn sakhan cu Tanintharyi
ramṭhen mizapi vengtu ralkap hna nih nihin May 8 zinglei Sml 5:00 hrawng ah luhhnawh in an kah hna caah SAC ralkap 3 an thi. Kahdohnak hi minutes 20 hrawng a rau i, SAC ralkap 3 a thi mi hna leng ah midang 3 zong hliam faak ngai an pu i, thi kho dirhmun ah an um, tiah Tanintharyi mizapi vengtu ralkap TDF nih cathanh an chuah. Htung Kha thonginn sakhan luhhnawh kahdohnak ah hin mizapi vengtu ralkap lei in 1 a nunnak a liam ve.
Htung Kha thonginn sakhan cu Yee Phyo SAC ralkap Camp he meng 3 hrawng a hlatnak hmun ah a um mi a si.
=SAC Ralkap Zaw Phyo Cu YDF-Htilin Sin Ah CDM A Tuah: SAC ralkap ralkhamnak thilri
sehzung pakhat in ralkap Zaw Phyo cu April 15 ah YDF-Htilin sin ah CDM a tuah, tiah YDF Htilin nih cathanh an chuah. SAC ralkap nih an tuah mi thil ṭha lo hna cu ka duh lo caah CDM ka tuahnak hi a si, tiah ralkap Zaw Phyo nih a chim. SAC ralkap hriamnam tling( Full Equipment) he a rak i fonh mi hna cu phaisa sing 50 kan pek lai i, a himnak hmun ah kan chiah hna lai tiah YDF-Htilin in Swe Swun Ngun Battalion nih cathanh an chuah.