Apoi tuk cang, Israel duh lo tuk mi cu Joe Biden nih a tuah cang lai. Israel lei nih zeitin lehnak an tuah lai ti zoh si cang

Former President Trump nih Israel a rak dirpi ning vialte le Israel him tein a um khonak ding caah heh tiah rian a rak tuan mi vialte cu pakpalawng a si cang ko lai hi. Judah pawl, Joe Biden vote petu hna lungput zeitin si lai ti cu mi tampi nih an thei duh ngai mi pakhat a si cang

Jeo Biden President a vun si bak in, Israel nih an tih bik mi cu Trump President a rak si lio ah Iran 2015 Nuclear Deal a chuahtak mi kha US, Joe biden nih apehthan lai ti a si cang.

Mah bantuk thawngpang Israel nih a thei bak in a duh caan poah Mossad le IAF hmangin Iran tuk ding in ready in an um peng ti a si. Former Prime Minister Netanyahu nih a rak chim cang kha. Iran nih Nuclear weapons a ngei khawhnak ding caah US a cawlhcang ahcun,

Israel le US he hawikom an si nak vialte cu kaltak zong poi a ti lo ning a rak chim cang kha. Arah ding mi zarhpi ni ah, kum 2015 Iran Nuclear Deal kongah, US le Iran cu tonnak an ngei than lai.

Mah bantuk thawngpang a vun chuak than mi nih Middle East ah zeibantuk thil a cang lai ti cu zoh cio si cang. Iran’s State run Television channel nih a langter ning ahcun, Presidential Chief of Staff Mahmoud Veazi nih, Trump President arak si lio ah a tuah mi, US nih Iran Nuclear Deal ruangah dantatnak a kalpi mi Oil, Shipping Sanctions vialte cu Joe Biden nih a dawngter dih lai tiin a chim

President Hassan Rouhani’s chief of staff, Mahmoud Vaezi nih a chim ning ahcun, Trump president a si loah dantatnak (Trump-era sanctions) 1,040 vialte cu dawngter ding in ceihmainak ngei a si cang tiin a chim.

Mah lawng si lo in Iran hruaitu pawl, Trump nih a rak hrem mi pawl supreme leader’s inner circle members zong an luat cang lai tinak a si. Natein US officials nih cun, Washington le Tehran ceihmainak ngei ding mi kongah thil tampi tuah ding mi a um tiin a langter

German Foreign Minister Heiko Maas nih a chim ning ahcun, “Nuclear deal kongah thil tha hmuh ding mi tampi a um cang, natein zoh than ding mi thil tampi a um rih tiin, US Secretary of State Antony Blinken he joint press conference an tuahnak ah a chim

Zarhpi ni ah, US National Security Adviser Jake Sullivan nih tuah ding mi tampi a um than ri tiin a chim. US President Joe Biden’s administration nih kum 2015 Nuclear Deal cu pehthan an duh,

Iran nih an Elect President The Butcher Ebrahaim Raisi cu phunglam ning in President caah biakamnak an tuah hlan ah, US he Nuclear Deal kongah pehtlaihnak ngeithan ding in lam an kawl tiin Expert nih an chim. Zarhpi ni ah Iran Nuclear deal thil dang buaipi ding in IDF Chief Kovi Washington ah a kal lai. Credit-RTK

Be the first to comment on "Apoi tuk cang, Israel duh lo tuk mi cu Joe Biden nih a tuah cang lai. Israel lei nih zeitin lehnak an tuah lai ti zoh si cang"

Leave a comment

Your email address will not be published.


*