Israel le US hi u le nau bantuk in ruah mi an si. US nih Israel hi a dirpi ngai tawn i, Obama President a rak si lio a tuanbia chia ngai mi an rak ngei. Trump President a vun si than i, US le Israel cu u le nau tak tak bantuk in zoh an si than, President Trump nih tuanbia philh khawh lo ding mi tampi a tial. culakah sunglawi bik mi cu Israel khualipi cu Jerusalem ah athial.
Natein atu Biden President a vun si than i, tuan bia tha lo tuk mi a vun chuak than cang. Israel nih US cu a zum ti lo i, US cu i bohchan ti lo ding in an i cawnpiak ve cang
Israel Former Prime Minister Netanyahu cu Afghan kongah daitein a um kho ti lo i, A bia chim mi nih mi a lauter ngai. Kum 2013 khan US Secretary of State John Kerry a thli tein Afghanistan a kal,
an ralkap pawl nih zeitindah terrorism hna cu an doh khawh lai ti ngiat ding in a ka sawm. Natein fiangtuk mi thil pakhat ka hmuh mi cu US ‘Afghan model’ cu, US nih amah thatnak (profit) caah Palestinian pawl a hmang ding mi kong lei tu kha a si tiin a chim
An ka sawmnak cu dawh ngai in ka cohlan duh lo. Natein ka thil hmuh ning cu thatein ka chim hna i, US nih Afghan a chuah tak bak in,
kum saupi an rak tuan cang mi kha fawitein arawk dih lai. Ka chim cia bantuk in atu cu a tlung cang ko hi.
Exremist Islamic regim nih Afghanistan cu an kut tangah fawitein an chia cang. Atu cu Vawlei cung hmunkip cu tih nung ngai in a chia tu an si cang. Message fiang cik cek in doctrine ka rak chim peng “Kan ram le kan miphung zohkhen ding in midang kut ah kan nih bohchan ding a si ti lo.
Kan mah lilah thazang hmangin kan doh ding a si. We must not trust others to ensure our safety, we must defend ourselves against any threat.”
US ah mithiam, mifim pawl hna hi Israel an tam ngai caah US zong nih Israel ram hi a dirpi ngai mi a si ve.
Cun US zumtu/Bible a tlaih mi umnak ram a si ve caah le Bible zoh in, Israel le Pathian pehtlaihnak vialte fiangtein a lang dih caah US nih Israel a dirpi ngai tawn ve. Natein Obama President a vun si cu tuan bia chia bik mi a tial cang caah le Obama lioa h vice President kha Joe Biden arak si fawn caah atu cu Israel zong nih US a bohchan duh ti lo i,
mipi sin ah midang i bohchan ti lo ding in thazang peknak ding caah an hruaitu pawl nih an chim thluamah ve cang. Cre-RTK
Laitlang lei thawngpang..Council ralkap pawl nih Taal khua ah Khrihfa biaknak serhsatnak he biakinn an thurhhnawmhnak kong ah Falam Christian Ministers Fellowship nih cathanh an chuah. Council Ralkap pawl nih Falam peng Taal khua Khrihfa Biakinn chung ah ningcang lo in umhmun an khuarnak, Khrihfa kan Bible le hla cauk an hlonhnak,
biakinn an thurhhnawmhnak he pehtlai in Falam Christian Ministers Fellowship nih August 19 ah cathanh an chuah.
Kan biakinn thiang serhsatnak he nan thurhhnawmh mi le a thianghlim mi biaknak inn pawl raalkap nih nan hman mi nih hin, hmailei ah ramkheel buainak nakin a ngan deuh mi biaknak buainak a chuahpi khawh, ti in cathanh ah an langhter. A thianghlim mi kan biakinn limhaang thurhhnawh a tonnak kong ah thlacamnak zong kan tuah lai, ti zong cathanh ah an langhter. Cre- THP
Be the first to comment on "Apoi tuk cang; Israel zong nih US cu an nih bohchan ngam ti lo"